Ursula K. Le Guin

Ursula K. Le Guin
Persona informo
Ursula K. Le Guin
Naskonomo	Ursula Kroeber
Naskiĝo	21-an de oktobro 1929 (1929-10-21) en Berkeley, Kalifornio,  Usono
Morto	22-an de januaro 2018 (2018-01-22) (88-jaraĝa) en Portlando, Oregono,  Usono
Mortis pro	Naturaj kialoj vd
Mortis per	Korinfarkto vd
Tombo	nekonata valoro vd
Religio	Taoismo vd
Lingvoj	angla vd
Loĝloko	Berkeley • Portlando vd
Ŝtataneco	Usono vd
Alma mater	Universitato Harvard Radcliffe College (en) Universitato Kolumbio - Magistro de Artoj (–1952) Berkeley High School (en) vd
Subskribo
Familio
Patro	Alfred Kroeber vd
Patrino	Theodora Kroeber (en) vd
Gefratoj	Karl Kroeber vd
Edz(in)o	Charles Le Guin (en) (1953–2018) vd
Infanoj	3
Profesio
Okupo	verkisto sciencfikcia verkisto literaturkritikisto aktivisto pri virinaj rajtoj verkisto de porinfana literaturo ĵurnalisto aŭtoro romanisto poeto scenaristo tradukisto prozisto vd
Laborkampo	Beletro, sciencfikcio, fantasta literaturo kaj sciencfikcia literaturo vd
Aktiva dum	1960-aj jaroj– vd
Verkado
Verkoj	Termaro ❦ La Maldekstra Mano de Mallumo ❦ La Senposedigitaj ❦ The Eye of the Heron ❦ Malafrena ❦ The Beginning Place ❦ Ĉiam Venanta Hejmen ❦ Annals of the Western Shore ❦ Lavinia ❦ Catwings ❦ The Language of the Night ❦ Dancing at the Edge of the World ❦ Steering the Craft ❦ La Nomo de Mondo estas Arbaro vd
Honorigoj Honorigoj (2019)  Ignotus Award for Best Non-Fiction Book (en) ../... 53+ vd
Membrecoj Membrecoj Fi-Beta-Kapa-Societo Usona Akademio de Artoj kaj Beletro vd
En TTT	Oficiala retejo vd
vd	Fonto: Vikidatumoj

Ursula Kroeber LE GUIN [kroŭbe^r l^e gŭin] (naskiĝis la 21-an de oktobro 1929 en Berkeley, mortis la 22-an de januaro 2018 en Portlando, Oregono) estis usona verkistino. Plej fama pro ŝiaj sciencfikcio kaj fantasto, en formo de romanoj kaj rakontoj, ŝi ankaŭ verkis poezion, infanajn librojn kaj tezojn.

Vivo

Le Guin konatiĝas pro sia kapablo krei kredeblajn mondojn loĝatajn de profunde homaj karakteroj (senkonsidere al ĉu ili estas efektive 'homaj'). Multe da ŝia sciencfikcio distingiĝas de aliaj ekzempleroj de la ĝenro per ĝia forta emfazo pri la 'sociaj' sciencoj, inkludante sociologion kaj antropologion. Ŝiaj verkoj ofte uzas nekutimajn eksterteranajn kulturojn komuniki mesaĝon pri nia propra kulturo; ekzemplo estas la esplorado de seksa identeco per la indiĝenoj en The Left Hand of Darkness ("La Maldekstra Mano de Mallumo"), kiuj estas senseksaj ordinare sed iĝas hazarde vira aŭ ina je siaj fekundaj tempoj. Le Guin ankaŭ verkis fikcion mediigatan multe pli proksime al hejmo; multaj el ŝiaj rakontoj okazas en nia mondo dum la estanteco aŭ proksima estonteco.

Ŝia plej konata fantasto estas ŝiaj rakontoj pri la insulara mondo Earthsea ("Termaro"), kiun multaj recenzistoj komparis al la mondo de J.R.R. Tolkien. Tamen, ŝia fantasto pli temas pri la homa stato ol tiu de verkistoj kiel Tolkien.

Le Guin naskiĝis en Berkeley, Kalifornio, Usono, kiel filino de la antropologo Alfred L. Kroeber kaj la aŭtorino Theodora Kroeber (kiu interalie skribis Ishi in Two Worlds). Ursula edukiĝis je Radcliffe College kaj Columbia University, kaj dum studa jaro en Parizo ŝi renkontis kaj edzigis francan historiiston Charles Le Guin. Ili vivadis en Portlando, Oregono, kune kun siaj tri gefiloj.

Listo de verkoj

Sciencfikcio

• The Left Hand of Darkness ("La Maldekstra Mano de Mallumo", 1969, gajnis tiujare la Premion Hugo kaj Premion Nebulozo)
• The Lathe of Heaven ("La Tornilo de Ĉielo", 1971)
• The Dispossessed ("La Senposedigitaj", 1974, gajnis Premion Nebulozo)
• The Eye of the Heron ("La Okulo de Ardeo", 1983)
• Always Coming Home ("Ĉiam Venanta Hejmen", 1985)

Fantasto

• La libraro pri Earthsea ("Termaro"):
  • A Wizard of Earthsea ("Sorĉisto de Termaro", 1968, gajnis en 1969 la premion Boston Globe Horn Book Award for Excellence)
  • The Tombs of Atuan ("La Tumuloj de Atuan", 1970, gajnis premion Newbury Honor Book)
  • The Farthest Shore ("La Plej Dista Bordo", 1973, gajnis infan-literaturan premion The National Book Award for Children's Books)
  • Tehanu: The Last Book of Earthsea ("Tehanu: La Lasta Libro de Termaro", 1990)
  • The Other Wind ("La Alia Vento", 2001)
  • Tales of Earthsea ("Rakontoj de Termaro", novelaro)
• The Beginning Place ("La Komenca Loko", 1980)

Historia fikcio

• Malafrena (1979)

Rakontaroj

• The Wind's Twelve Quarters (1975)
• Buffalo Gals, and Other Animal Presences (1987)
• The Birthday of the World (2002)

Kritikismo

• Dancing at the Edge of the World ("Dancado ĉe la Bordo de la Mondo", 1992)

• 
  Ursula Le Guin kun Harlan Ellison en Oregono, 1984
• 
  Ursula Le Guin, 2013
• 
  Futura Kalifornio de Ĉiam Reveni Hejmen (Always Coming Home)
• 
  Simbolo en Ĉiam Reveni Hejmen (Always Coming Home)

Eksteraj ligiloj

• Hejmpaĝo de Le Guin