Ĉimpanza genro

Ĉimpanza genro
Ĉimpanzo en la Suda Provinco de Kameruno
Biologia klasado
Regno: Animaloj Animalia Filumo: Ĥorduloj Chordata Klaso: Mamuloj Mammalia Ordo: Primatoj Primates Familio: Homedoj Hominidae Subfamilio: Homenoj Homininae Tribo: Hominini Subtribo: Panina Genro: Pan Oken, 1816
Tipa specio
Simia troglodytes Blumenbach, 1775
Specioj
Pan troglodytes (ĉimpanzo) Pan paniscus (bonobo, "eta ĉimpanzo")

La ĉimpanza genro (latine Pan) estas afrotropika besta genro el la familio de homedoj. La genro dividiĝas al du specioj, la ĉimpanzoj (latine Pan troglodytes) kaj la bonoboj aŭ "etaj ĉimpanzoj" (latine Pan paniscus). La genro apartenas al la ordo de primatoj. La ĉimpanzojn kaj bonobojn oni konsideras la plej proksimaj kuzoj al homo inter la bestoj (vidu la artikolon pri homedoj).

Por plej baza diferencigo vidu la du sekvajn fotojn:

kapo de ĉimpanzo: la kranio estas pli masiva, la vizaĝo plej ofte pli hela. Iuj bestoj havas blankan mentonan barbon.

kapo de bonobo: Okulfrapa estas la senhara fruntomezo, la longa tempia hararo falanta ambaŭflanken, kaj la malhela vizaĝo kun helaj lipoj.

Rilataj artikoloj troviĝas en Portalo pri Zoologio