La Ĉina ropofilo (Rhopophilus pekinensis) estas specio de birdo de la familio de Cistikoledoj lastatempe trapasita al la familio de Silviedoj, en la monotipa genro Rhopophilus. Ĝi troviĝas en Ĉinio kaj Koreio.
Temas pri tre longvosta paserina birdo kun grizbrunaj supraj partoj el la frunto tra la krono kaj laŭ la tuta dorso tre markataj de grandaj nigrecaj vertikalaj strioj, dum la subaj partoj estas blankecaj el la gorĝo al la ventro, sed kun la flankoj ankaŭ tre markataj per ruĝecbrunaj strioj. La vizaĝo estas helgriza sed montras bildon konsistantan el malhelan traokulan strion kio lasas supran helan superokulan strion kaj alian pli malhelan strion subvangan el la bekobazo limigante kun la gorĝo al la kolflanko kie supreniras tra la orelareo por kuniĝi kun la alia horizontala strio. La beko estas helflaveca kaj la kruroj rozkolorecaj.
