Ĝeneralifo

El Vikipedio, la libera enciklopedio
Saltu al: navigado, serĉo
Vidaĵo de Ĝeneralifo ekde la Alhambra

Ĝeneralifo estas vilao kun ĝardenoj uzata de la muzulmanaj reĝoj de Granado kiel ripozloko, situanta en la andaluza urbo Granado, Hispanio. Ĝi estis elpensita kiel kampara vilao, kie ornamitaj ĝardenoj, hortoj kaj arkitekturo integriĝis, proksime de Alhambra. La origino de ĝia nomo estas diskutita. Kelkaj pledas por Yannat al-Arif kiel Horto de la Arkitekto, kvankam tio povis signifi La plej laŭdata ĝardeno. Tiaj reĝaj hortoj estis oftaj en la hispan-arabaj kortegoj. Ĝi estis deklarita kiel Monda heredaĵo de UNESKO en 1984.

Ĝi estis konstruita dum la jarcentoj 12a al 14a kaj transformita de Abu I-Walid Isma'il. Ĝi estas el nazaria stilo kaj situas ĉe unu el la flankoj de Alhambra. Ĝi estas aro de konstruaĵoj, kortoj kaj ĝardenoj, kio estas unu el la ĉefaj allogaĵoj de Granado, kaj kune kun Alhambra, estas unu el la arabaj ensembloj plej elstaraj de la civila muzulmana arkitekturo.

Vidu ankaŭ[redakti | redakti fonton]

Eksteraj ligiloj[redakti | redakti fonton]