Ŝtofo

Ŝtofo estas teksaĵo por aparta uzo, ekzemple vestoj.

Ekzemplaj ŝtofoj:

felto (El kungluitaj kunpremitaj haroj, efektive ne teksita, tamen konsiderata kiel ŝtofo)
flanelo (El lano, maldika)
gazo (Delikata travidebla ŝtofo el silko aŭ lino)
indieno (Maldensa kotona kolordesegnita teksaĵo)
juto (Teksebla materialo ekstraktata el juto-planto t.e. korkoro)
kalikoto (Kotona teksaĵo, similanta tolon sed pli dika ol perkalo)
kanabo (Teksaĵo el kanabo-planto t.e. kanabacoj)
kanvaso (Lina aŭ kanaba tolo, tre larĝmaŝe kaj retece teksita, sur kiu oni faras pentraĵon, brodaĵon, punton, ktp)
katuno (Malpeza kotona teksaĵo, ĝenerale surpresita per koloraj desegnaĵoj)
kotono (Teksaĵo el blanka delikata lanugo ĉirkaŭvolvanta la grajnojn de kotonarbo)
krepo (Delikata travidebla krispa ŝtofo el lano aŭ silko)
kretono (Fortika tolo el kanabo aŭ kotono aŭ lino aŭ lano, uzata por kurtenoj)
lano (Ŝtofo el la densa mola hararo de ŝafo kaj aliaj bestoj)
lino (Tolo farita el lino-planto t.e. linacoj)
muslino (Delikata maldensa kaj malpeza ŝtofo el kotono, lano aŭ silko)
nankeno (Unukolora, ordinare helflava ŝtofo el kotono, origine fabrikata en la ĉina urbo Nankeno)
perkalo (Delikata densa katuno)
punto (Maldensa, artisme interspacigita teksaĵo el maldikaj fadenoj)
tiko (Tolo el duobligitaj fadenoj, ofte striita lina kaj uzata kiel sako de matraco)
tolo (Teksaĵo farita el lino aŭ kanabo)

Konsistiga materia substanco havanta proprajn ecojn; materialo: la ŝtofo, el kiu estas farataj la sonĝoj.

(ark.) Daŭra kunmetaĵo da difinitaj anatomiaj elementoj kompareblaj al teksaĵo; histo.