Šventoji

El Vikipedio, la libera enciklopedio
Saltu al: navigado, serĉo
Šventoji
blazono de Palanga situo en Litovio
Bazaj datumoj
Ŝtato: Litovio
Distrikto: Klaipėda
Subdistrikta Komunumo: Palanga
nombro de enloĝantoj: 2 000 (stato 2006)
internacia telefona prefikso: (+370) 460
koordinatoj: 55° 55' Norde, 21° 03' Oriente

Šventoji (prononco "Ŝventoj", laŭ traduko "la sanktuloj", pole Święta) estas feria urbeto ĉe la bordo de la Balta Maro, en la okcidento de Litovio. Ĝi apartenas al la urba komunumo Palanga kaj troviĝas 12 kilometrojn norde de la urbo Palanga.

Dum multaj jarcentoj, kiam la regiono ĉirkaŭ la urbo Klaipėda aŭ germanlingve Memel sude, kaj same la marbordo de la hodiaŭa Latvio en provinco Livonio apartenis al Prusio, la marborda strio ĉirkaŭ la urbo Palanga estis la sola alirebleco de Litovio al la maro, kaj frue apud la haveno de Palanga ekestis dua haveno iom norde, en la fiŝista vilaĝo Šventoji. Dum la jaro 1542 la haveno kaj urbeto aperas sur mapo de la kartografo H. Celijus.

Nuntempe la gastigado de someraj feriantoj estas la ĉefa enspezofonto de la vilaĝanoj. Šventoji pli estas ol la najbara feria centro Palanga, kies stratoj kaj restoracioj vespere plenplenas je promenantaj feriantoj, kaj kie la vespera kultura vivo dum julio kaj aŭgusto kompareblas al tiu de Kaŭnaso aŭ Vilno dum la ne-feriaj monatoj. Sed la plaĝo de Šventoji estas same ĉarma, la dudeko de restoracioj havas etosan atmosferon, kaj iom da vesperaj koncertoj ankaŭ ĉi-tie konatigas la kulturajn scenulojn de Litovio al la feriantoj: aparte multe uzata koncertejo estas la eventejo kaj restoracio "Titanikas", konstruita kvazaŭ ŝipego.

Impresoj[redakti | redakti fonton]

Ligilo[redakti | redakti fonton]