Żubrówka

El Vikipedio, la libera enciklopedio
Saltu al: navigado, serĉo
Botelo de Żubrówka

Żubrówka (prononcu: ĵubrufka) estas pola vodko distilita el sekalo. Al tiel preparita alkoholo oni aldonas esencon de aroma herbo populare nomata żubrówka (en la pola ĝi signifas "bizona herbo", latine Hierochloe odorata), ĝi kreskas en Arbaro de Białowieża. La herbo kaŭzas specifan guston, aromon kaj verdaflavan koloron. En ĉiu originala botelo de Żubrówka estas unu trunketo de la herbo.

La historio de la vodko probable komenciĝis en la 17-a jarcento kaj jam en la 18-a jarcento Żubrówka iĝis unu el la plej popularaj alkoholaĵoj de pola nobelaro. En 1926 la firmao Polmos eltrovis metodon de amasa produktado de la vodko kaj registris kaj patentis ĝin kiel komercan produkton.

Hodiaŭ la originalan vodkon produktas Polmos en Bjalistoko. Krome, en aliaj landoj oni produktas similaĵojn sub la nomoj: Wisent Vodka (Usono), Зубровка (Rusio), Zubrivka (Ukrainio), Grasovka (Belorusio).

Żubrówka estas ĝenerale trinkata pura kaj malvarmigita aŭ kiel koktelo kun pomsuko.