14-a parlamenta periodo de la kvina Franca Respubliko
La 14-a parlamenta periodo de la Kvina franca Respubliko estas parlamenta ciklo malfermita ekde la 20-an de junio 2012[1].
Konsisto de la ekzekutivo
- Prezidanto de la Respubliko : François Hollande, ekde la 15-an de majo 2012
- Ĉefministro : Jean-Marc Ayrault, ekde la 21-an de junio 2012
Konsisto de la nacia Asembleo
155 virinoj estis elektitaj aŭ reelektitaj, t.e. 26,86 % el la 577 deputitoj :
- 125 maldekstraj elektitoj (el kiuj 104 Socialista Partio (PS), 9 Eŭropo Ekologio La Verduloj (EELV), 4 Maldekstra Radikala Partio (PRG), 1 Franca Komunista Partio (PCF), 1 Federacio por Sociala kaj Ekologia Alternativo (FASE), 1 Movado por Reunio (MPR), 1 Respublika kaj Civitana Movado (MRC), 1 Maldekstre en Gviano (AGEG), 3 DVG);
- 29 dekstraj elektitoj (27 por Union pour un mouvement populaire (UMP), 1 por Kaledonio kune, 1 por Movado por Francio (MPF));
- 1 elektito por Front National (FN).
Le dojeno estas François Scellier, radikala deputito ligita al la grupo UMP de la 6-a distrikto de Val-d'Oise, naskiĝinta la 7-an de majo 1936. La plej juna estas Marion Maréchal-Le Pen, deputito de Front National (FN) de la 3-a distrikto de Vaucluse, naskiĝinta la 10-an de decembro 1989.
Modifoj de la konsisto de la Asembleo
Pro nerajto okupi registaran kaj parlamentan oficojn, la ministroj disponas unu monaton por elekti unu el la oficoj. Por tiuj, kiuj decidis resti en la registaro, la artikolo 7 de la regularo de la Asembleo antaŭvidas ke la prezidanto petu de la registaro la nomon de la personoj elektitaj samtempe kiel ili, kaj deklaru ilian anstataŭiĝon.
La ministroj de la dua registaro de Jean-Marc Ayrault estintaj nomumitaj per dekreto de la 21-a de junio 2012, la 24 el ili, kiuj estis elektitaj la 10-an aŭ la 17-an de junio 2012, vidis sian mandaton finiĝi la 21-an de julio 2012. Iliaj anstataŭantoj anstataŭis ilin ekde la 22-a de julio 2012 je 0:00 horo.
La konsisto de la Asembleo estis modifita en 2012 kaj 2013 per vico da ok partaj parlamentaj balotoj sekve de balotaj kontencioj deciditaj de la Konstitucia Konsilio kaj de demisio de Jérôme Cahuzac. Ili konkludis al gajno de unu seĝo por la plejmulto kaj de kvar seĝoj por la opozicio.
Elekto de la prezidanto de la nacia Asembleo
La prezidanto de la nacia Asembleo estis elektita en la 26-a de junio 2012, okaze de malferma kunveno de la nova parlamento. Ĝi estis prezidata de la dojeno, François Scellier, helpata de anaro konsistanta el la ses plej junaj deputitoj, t.e. Marion Maréchal-Le Pen, Gérald Darmanin, Laurent Marcangeli, Damien Abad, Virginie Duby-Muller kaj Razzy Hammadi. La socialista grupo elektis Claude Bartolone kiel kandidaton per 127 voĉoj. Jean Glavany (59 voĉoj), Élisabeth Guigou (50 voĉoj) kaj Daniel Vaillant (22 voĉoj) estis ankaŭ kandidatoj. La nura alia kandidato estis la eliranta prezidanto, Bernard Accoyer. La dudek sep deputitoj nomumitaj ministroj, povis nek voĉdoni, nek esti anstaŭataj de siaj anstataŭantoj, kiuj sidos nur unu monaton post la nomumo de la registaro, t.e. la 22-an de julio 2012.
| Kandidato | Distrikto | Politika grupo |
Voĉoj | % | Rezulto | |
|---|---|---|---|---|---|---|
| Claude Bartolone | Seine-Saint-Denis (9-a distrikto) | SOC | 298 | 61,44 | Elektita | |
| Bernard Accoyer | Haute-Savoie (1-a distrikto) | Grupo "Union pour un mouvement populaire" (Nacia Asembleo) (UMP) | 185 | 38,15 | Eliranta | |
| Aliaj | 2 | 0,41 | ||||
| Enskribitoj | 550 | 100,00 | ||||
| Voĉdonantoj | 540 | 98,18 | ||||
| Blankaj kaj nulaj | 55 | 10,19 | ||||
| Esprimitaj | 485 | 89,81 | ||||
Parlamentaj grupoj
| Parlamenta grupo]] | anaro en la 9-a de junio 2013 (+ parencigitoj) |
grup-prezidanto | ||
|---|---|---|---|---|
| GDR | Gauche démocrate et républicaine (demokrata kaj respublika maldekstro)[2] | 15 | André Chassaigne | |
| SRC | Socialista, respublika kaj Civitana[3] | 275 + 17 | Bruno Le Roux | |
| RRDP | Radikala, respublika, demokrata kaj progresema[4] | 16 | Roger-Gérard Schwartzenberg | |
| ÉCOLO | Ekologista grupo[5] | 17 | François de Rugy | |
| UDI | Unuiĝo de la demokratoj kaj sendependantoj[6] | 31 | Jean-Louis Borloo | |
| UMP | Union pour un mouvement populaire[7] | 187 + 10 | Christian Jacob | |
| NI | Elektitoj apartenantaj al neniu grupo | 8 | Sen prezidanto |
-
20-an de junio - 27-an de novembro 2012 -
28-an de novembro 2012 - 15-an de januaro 2013 -
De la 16-a de januaro 2013
Rezultoj de la parlamentaj balotoj en 2012
Sinsekvaj registaroj
Notoj kaj referencoj
- ↑ Calendrier d'ouverture de la XIVème législature. Alirita la 8-an de majo 2012.
- ↑ Politika deklaro de la grupo Gauche démocrate et républicaine, sur la retpaĝo de la nacia Asembleo.
- ↑ Politika deklaro de la grupo "Socialiste, républicain et citoyen", sur la retpaĝo de la nacia Asembleo.
- ↑ Politika deklaro de la grupo Radikala, respublika, demokrata kaj progresema, sur la retpaĝo de la nacia Asembleo.
- ↑ Politika deklaro de la ekologista grupo, sur la retpaĝo de la nacia Asembleo.
- ↑ Politika deklaro de la grupo Unuiĝo de la demokratoj kaj sendependantoj, sur la retpaĝo de la nacia Asembleo.
- ↑ Politika deklaro de la grupo Unuiĝo por Popola Movado, sur la retpaĝo de la nacia Asembleo.
Vidu ankaŭ
| ||||||||
