2-a epistolo de Johano

La 2-a epistolo de Johano estas la 24-a libro de la nova testamento en la Biblio, la kvina el la sep epistoloj ĝeneralaj.

Enhavo kaj strukturo

Tiu ĉi letero estas la plej malgranda "libro" de la Nova testamento. Ĝi konsistas el nur 13 versikloj, do nur unu papirusa folio.

La aŭtoro postulas, ke oni, malgraŭ la ordono de la amo, ne flegu kontaktojn kun herezuloj.

Jen ebla dispozicio:

• Adreso kaj saluto (2 Joh 1-3)
• Vivo en la vero (2 Joh 4-6)
• Malakcepto de herezuloj (2 Joh 7-11)
• Saluto (2 Joh 12-13)

• ↑ La subtitoloj estas prenitaj el la nove editorita esperanta Biblio:
  IKUE kaj KELI (ed.): Biblio, eldonejo KAVA-PECH, Dobřichovice (Praha) 2006, ISBN 80-85853-90-6.
  Ili baziĝas sur tiuj de la germana Einheitsübersetzung.

Teksto en Esperanto

La traduko de la brita komitato (John Cyprian Rust, B. John Beveridge kaj C. G. Wilkinson) estas trovebla

• paperforme:
  • en la esperanta Biblio:
    IKUE kaj KELI (ed.): Biblio, eldonejo KAVA-PECH, Dobřichovice (Praha) 2006, ISBN 80-85853-90-6
• diversloke surrete:
  • http://home.att.net/~novtest/63.htm (unikode, disigitaj laŭ ĉapitroj, kun versiklonombroj)
  • http://www.geocities.com/kalblando/biblio/2johano.htm (x-forme, kun versiklonombroj)

Nova traduko de Gerrit Berveling el la originalo estas trovebla en Flanke je Jesuo (3a volumo de la Nova Testamento), eld. VoKo, Zwolle 2010.

Eksteraj ligiloj

• Teksto en la angla (versio King James): http://www.biblegateway.com/versions/?action=getVersionInfo&vid=9