Aŭdo
El Vikipedio
Aŭdado estas la maniero, per kiu oni uzas la senson de siaj oreloj, por percepti sonojn. Kiam io faras sonon, vere ĝi faras ondojn de moviĝanta aero. La aeraj molekuloj mem ne iras longe for, sed la ondoj iras de iu aĵo al alia, eble grandan distancon. La moviĝanta aero igas parton de la ena orelo moviĝi, kiel membrano de tamburo, kaj ties movoj estas konsciataj en la cerbo. Pli granda frekvenco de movado kreas pli altan sonon, kaj malpli granda frekvenco kreas pli malaltan.
