Abatejo Chertsey

El Vikipedio, la libera enciklopedio
Saltu al: navigado, serĉo
Ruina muro de Abatejo Chertsey

Abatejo Chertsey estis benediktana abatejo ĉe Chertsey, Surrey, Anglio.

Ĝi estis fondita en 666 de Sankta Erkenwald, kiu estis la unua abato. En la malfrua 7-a jarcento, Frithuwold, reĝo de Surrey, donis al ĝi vastajn bienojn en Surrey kaj Berkshire. Dum la 9-a jarcento ĝi estis detruata de la vikingoj. En 964 Edgaro (Anglio) refondis ĝin.

Dum la 11-a jarcento estis elfosata artefarita rivero (kiu devenis de la Tamizo) por la abateja akvomuelejo.

La abatejo estis la unua tombejo de reĝo Henriko la 6-a (Anglio) (poste li estis reentombata en la ĉapelo de Kastelo Windsor.

En 1537 Abatejo Chertsey fermiĝis laŭ komando de Henriko la 8-a (Anglio). Hodiaŭ malmultaj restaĵoj videblas, kvankam en la Brita Muzeo estas aro de mezepokaj plank-kaheloj, el kiuj iuj ilustras la legendon de Tristan kaj Iseult.