Abel Botelho
Abel Acácio de Almeida BOTELHO (naskiĝis la 23-an de septembro 1855 en Tabuaço, Portugalio; mortis la 24-an de aprilo 1917, en Bonaero, Argentino), estis militisto, sed famiĝis kiel verkisto de la portugala naturalismo. Lia teatro skandalis pro la kruda maniero denunci kaj priskribi la vivkondiĉojn de la mizeruloj. Paralele al la literatura agado li laboris kiel ĵurnalisto.
Familia vivo
La patro de Abel Botelho estis militisto kaj lia patrino devenis el tradicia familio de riĉaj terkulturistoj. Tiel kiel lia patro Abel Botelho studis en milita lernejo. Forpasinte lia patro, li ricevis stipendion de 1867 ĝis 1872. Post tiu lerneja tempo li matrikuliĝis en la politeknika lernejo. Li edziĝis en 1881 kun nobeldevena junulino.
Profesia kariero
Kiel oficiro li enposteniĝis kiel kolonelo en 1906, kiam li estris la 1-an Armean Divizion. En 1910 Portugalio fariĝis respubliko kaj en la sekvanta jaro li eklaboris kiel ataŝeo ĉe la ministrejo pri fremdaj aferoj. Danke al la influo de Abel Monteiro Argentino iĝis la unua lando, kiu agnoskis la respublikan reĝimon de Portugalio.
La nova flago de Portugalio
Abel Monteiro partoprenis en la unuaj paŝoj de la naskiĝanta respubliko de la 5-a de oktobro 1910. Inter liaj agoj menciindas la propono de la nova nacia flago kune kun João Chagas, Columbano Bordalo Pinheiro kaj Ladislau Pereira.
Literatura kariero
Abel Botelho debutis per poeziaĵoj. En 1885 li publikigis la kolekton "Lira Insubmissa" (Ribelema liro). Li multe kunlaboris kun la kultura gazetaro (O Século, O Dia, O Ocidente, A Ilustração, Revista Literária) kaj direktis la gazeton O Repórter (La raportisto).
Verkoj
Romanoj
- "O Barão de Lavos" (1891)
- "O Livro de Alda" (1898)
- "Amanhã" (1901)
- "Fatal Dilema" (1907)
- "Próspero Fortuna" (1910)
Aliaj prozaĵoj
- "Sem Remédio" (1900)
- "Os Lázaros" (1904)
- "Amor Crioulo" (1919)
Teatraĵoj
- "Germano" (1886)
- "Claudina" (1890)
- "Os Vencidos da Vida" (1892)
- "Jucunda" (1895)
- "A Imaculável" (1897)
Elŝutebla kopio
En Nacia Biblioteko (Portugalio) troviĝas jena kopiita eldonaĵo: BOTELHO, Abel, 1856-1917. Pathologia social : O barão de lavos / Abel Botelho. - 2ª ed. corrig. - Porto : Chardron, 1898. - 1 v. ; 8º http://purl.pt/232/3