Adam Clark

El Vikipedio, la libera enciklopedio
Saltu al: navigado, serĉo
Adam Clark
Situo de la ponto, la placo kaj la tunelo

Adam CLARK (naskita la 11-an de aŭgusto 1811 en Edinburgo, mortinta la 23-an de junio 1866 en Buda) estis skota inĝeniero.

En la jaroj 18401849 li gvidas la konstruadon de la fama Széchenyi-Ĉenponto en Budapeŝto (komisiita de William Thierney Clark – la nomegaleco estas nura hazardo). Dum la konstruado okazas bataloj inter aŭstraj kaj hungaraj trupoj. La aŭstroj plurfoje provas eksplodigi la ponton. Tion malebligas Clark plenigante la ĉenkamerojn per akvo.

En la jaro 1856 Clark planas kaj estras la konstruon de la tunelo kiu trairas la budapeŝtan burgomonteton en la plilongigita akso de la Ĉenponto.

Placo inter la ponto kaj la tunelo memorigas pri la inĝeniero. Sur tiu placo troviĝas la "nul-kilometra marko" de Hungario, ek de kiu oni mezuras la longon de la ŝoseoj forirantaj de Budapeŝto.