Distriktoj de Litovio

El Vikipedio, la libera enciklopedio
(Alidirektita el Administra divido de Litovio)
Saltu al: navigado, serĉo
administra divido de Litovio

Litovio de la jaro 1995 ĝis la 1-a de julio 2010 konsistis el dek distriktoj (litove singularo Apskritis, pluralo Apskritys, parenca al la vorto por cirklo), kiuj nomiĝis laŭ sia administra urbo:

La distriktoj disdividiĝis en 60 administrajn unuojn (litove singularo savivaldybė, pluralo savivaldybės, laŭvorte pli-malpli memadministrejo). 50 el ili estas de subdistrikta tipo, 10 estas de urba tipo (municipoj; tamen Neringa malgraŭ oficiala statuso ne havas urban karakteron). Atentu, ke en diversaj artikoloj de Vikipedio savivaldybės estas nomataj komunumoj male al kutima uzo de tiu vorto.

Apud tio ankoraŭ ekzistas tradicia, etnologia divido de la lando en kvin regionojn, kiu ne (aŭ ne plu) havas administran signifon:

  • Dzukio (litove "Dzūkija")
  • Eta Litovio (litove "Mažoji Lietuva", la eksa germana regiono Memelland ĉirkaŭ la urbo Klaipėda)
  • Ĵemajtio (aŭ Malalta Litovio, litove "Žemaitija")
  • Aŭkŝtajtio (aŭ Supra Litovio, litove "Aukštaitija")
  • Suvalkio (litove "Suvalkija", regiono hodiaŭ ambaŭflanke de la limo inter Litovio kaj Pollando)