Affonso Borges Gallego Soares

Affonso Borges Gallego Soares
Persona informo
Naskiĝo	28-an de oktobro 1940 (1940-10-28) (83-jaraĝa)
Lingvoj	Esperanto
Ŝtataneco	Brazilo
Okupo
Okupo	esperantisto

Affonso Borges Gallego Soares (Affonso Soares) (naskiĝis en Rio-de-Ĵanejro, la 28an de oktobro 1940) estas brazila esperantisto, emerita bankoficisto, estrarano de Brazila Spiritisma Federacio de 1978 ĝis 2015, kunredaktoro de ties oficiala organo Reformador.

Agado

Konatiĝis kun Esperanto en la jaro 1961 okaze de vizito al brazila verkistino kaj mediumino Yvonne do Amaral Pereira, kiu lin instigis al lernado de la lingvo. Li vizitis kursojn ofertatajn de Brazila Esperanto-Ligo kaj Kultura Kooperativo de Esperantistoj, en sia naskiĝurbo. Dum multe da jaroj li gvidis, en la Federacio, kursojn de Esperanto kaj grupojn por studado de spiritismo en la Internacia Lingvo. En sia poresperanta agado li ankoraŭ prelegas, verkas artikolojn por la revuo Reformador kaj tradukas spiritismajn tekstojn. Li ankaŭ estas prezidanto de la Konsilantaro de la Spiritisma Eldona Asocio F. V. Lorenz.

Tradukoj

Reviziinte unu lian provtradukon en la jaro 1964, Ismael Gomes Braga instigis lin al Esperantigo de spiritismaj verkoj, el kio rezultis jenaj tradukoj:

• La Genezo (de Allan Kardec)
• La Kialo de l' Vivo (de Léon Denis)
• Memoraĵoj de Sinmortiginto (de Camilo Cândido Botelho, mediume verkita de Yvonne do Amaral Pereira)
• Patro Nia (de Meimei, mediume verkita de Francisco Cândido Xavier)
• Penso kaj Vivo (de Emmanuel, mediume verkita de Francisco Cândido Xavier)
• Post la Morto (de Léon Denis)
• Postmortaj Verkoj (partnere kun Paulo Sérgio Viana) (de Allan Kardec)

Vidu ankaŭ

• Internacia Spiritisma Konsilantaro

Eksteraj ligiloj

• Spiritismaj libroj senpage elŝuteblaj el la retejo de Arkivigite je 2016-08-25 per la retarkivo Wayback Machine Brazila Spiritisma Federacio, inkluzive de libroj tradukitaj de Affonso Soares.