Alberto la 2-a (Belgio)

El Vikipedio, la libera enciklopedio
Saltu al: navigado, serĉo
Alberto la 2-a (maldekstre).

Alberto la 2-a, plennome Alberto Felikso Humberto Teodoro Kristiano Eŭgeno Mario, nederlande Albert [albert], france Albert [alber] (naskiĝis la 6-an de junio 1934), frato de Baldueno la 1-a kaj edzo de la reĝino Paola, estis la sesa reĝo de la belgoj de 1993 ĝis 2013.

Alberto estas la dua filo de Leopoldo la 3-a kaj reĝino Astrid. Li je la 2-a de julio 1959 edziĝis kun la itala princino Paola Ruffo di Calabria kaj havas kun ŝi tri gefilojn (Filip, Astrid, Laurent). Krome li estas, kiel li konfirmis, patro de Delphine Boël, filino de Sybille de Selys-Longchamps.

Li iĝis reĝo je la 9-a de aŭgusto 1993 post la morto de sia frato Baldueno, kies verkon kaj personecon li evidente admiras. Tiutempe ankoraŭ vivis lia pliaĝa fratino Jozefino-Ĉarloto, sed la nuna belga leĝo, kiu permesas al virinoj la reĝan sukcedon, ankoraŭ ne validis pri ŝi. La 3-an de julio 2013 li anoncis sian abdikon, validante ekde la 21-a de julio 2013.

Ĝis antaŭ nelonge Alberto entuziasmis pri motorveturado kaj fieris pri sia motorciklo de marko Harley-Davidson. Nur post kor-operacio en 2000 li tre reduktis siajn veturadojn.

Order of White Eagle Poland-Order Star.jpg
Alberto la 2-a (Belgio) estas kavaliro de la Ordeno de Blanka Aglo, la plej alta ŝtata honorigo de la Pola Respubliko.
Antaŭe: Reĝo de la belgoj Poste: State Coat of Arms of Belgium.svg
Baldueno la 1-a 19932013 Filipo la 1-a

Eksteraj ligiloj[redakti | redakti fonton]