Alcollarín

Alcollarín [alkojaRIN] estas municipo de Hispanio, en la provinco de Cáceres, regiono de Ekstremaduro.

La loĝantoj nomiĝas alcollarinejos. La censita populacio en 2008 estis de 277 loĝantoj.

Situo

Alcollarín estas situa en la centra parto de Ekstremaduro en la nordo de la komarko aŭ distrikto Vegas Altas, je altitudo de 380 m; je 82 km de Cáceres, provinca ĉefurbo. La surfaco de ties teritorio estas de 79,92 km². La plej proksimaj vilaĝoj estas Zorita, je 5 km en direkto al Guadalupe, Campo Lugar kaj Abertura en direkto al Miajadas, kio estas je 18 km.

Ekonomio

Agrikulturo de irigacio kaj brutobredado.

Limoj de la municipa teritorio

• Zorita norde kaj oriente.
• Madrigalejo sudoriente.
• Campo Lugar sudokcidente.
• Abertura okcidente.

Demografio

Demografia evoluo de Alcollarín inter 1900 kaj 2007
1900	1910	1920	1930	1940	1950	1960	1970	1981	1991	1996
867	897	930	945	1171	1040	1141	769	457	296	382
1998	1999	2000	2001	2002	2003	2004	2005	2006	2007
364	352	348	346	343	323	310	308	312	315

Konstateblas, ke dum la dua duono de la 20a jarcento la loĝantaro trioniĝis pro elmigrado kaj maljuniĝo de la populacio.

Hidrografio

La ĉefa rivero de la municipo estas la rivero Alcollarín, alfluanto de la rivero Ruecas. Trapasas la municipan teritorion ankaŭ la rojoj Gargantilla kaj Levosilla, alfluantoj de la Alcollarín.

Etimologio

Spite aliaj popularaj falsaj etimologioj ŝajne la nomo de la vilaĝo devenas el arabaj artikolo (al) kaj finaĵo (im) kun mozaraba radiko "collado" [koJAdo] kiu signifus monteto.

Festoj

• Sankta Katarina de Aleksandrio (25a de novembro)
• Festoj de la Elmigrintoj (unua semajno de aŭgusto)

Monumentoj kaj vidindaĵoj

• Palaco de la familio Pizarro/Carvajal, el la 16a jarcento (la blazonojn kiuj estis flanke de la fasado de la palaco oni ŝtelis en decembro de 2001 kaj oni ne rekuperis ilin ankoraŭ).
• Preĝejo de Sankta Katarina de Aleksandrio, antaŭa.