Aldeanueva de la Vera
Aldeanueva de la Vera estas municipo de Hispanio, en la provinco de Cáceres, regiono de Ekstremaduro.
La loĝantoj nomiĝas aldeanos. La censita populacio en 2008 estis de 2.276 loĝantoj.
Situo
Aldeanueva de la Vera estas situa en la norda parto de Ekstremaduro en la komarko aŭ distrikto La Vera, je altitudo de 658 m; je 125 km de Cáceres, provinca ĉefurbo kaj je 185 km de Mérida, la regiona ĉefurbo. La surfaco de ties teritorio estas de 37,6 km². Ĝi estas ĉe la gorĝo Horcajo [orKAĥo] ene de la montara parto de la komarko.
Limoj de la municipa teritorio
- Jerte norde.
- Tornavacas nordoriente.
- Guijo de Santa Bárbara kaj Jarandilla de la Vera oriente.
- Cuacos de Yuste sude.
- Garganta la Olla okcidente.
Hidrografio
La hidrografia reto de la municipa teritorio estas formata de torentoj de akvo, en formo de kanjonoj, inter kiuj elstaras la Gorĝo de Sankta Gregorio kaj la Gorĝo de los Guachos.
Ekonomio
Agrikulturo kaj brutobredado.
Demografio
| Demografia evoluo de Aldeanueva de la Vera inter 1900 kaj 2007 | ||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| 1900 | 1910 | 1920 | 1930 | 1940 | 1950 | 1960 | ||||||||||||||||||
| 1841 | 2312 | 2274 | 2697 | 3093 | 3667 | 4005 | ||||||||||||||||||
| 1970 | 1981 | 1991 | 1996 | 1999 | 2006 | 2007 | ||||||||||||||||||
| 3505 | 2558 | 2476 | 2584 | 2501 | 2304 | 2306 | ||||||||||||||||||
Konstateblas ke lo populacio duobliĝis dum la unua duono de la 20a jarcento, sed duoniĝis dum la dua duono pro elmigrado kaj neneceso de tiom da kamparlaboristoj.
Historio
La municipo estas en setlejo de loĝantoj ekde antaŭromia epoko. Estas loĝejoj de vetonoj, kaj vilao romia, en la loko de San Gil kiu daŭris per setlejo de epoko de visigotoj. En tiu loko troviĝis gravaj tombaj restaĵoj de romia epoko. Estas visigota tombejo kun sarkofago el granito, kiu pro malzorgo detruiĝis.
Aldeanueva estas, kiel aliaj vilaĝoj de la regiono, de mezepoka fondo. La regiono estis konkerita iam fine de la 12a jarcento de la reĝo de la kastilia Alfonso la 8-a. Formis parton el la distrikto de la Vera, stribuita al la urbo de Plasencia. Ĝi aĉetis sian jursendependon en 1802 de Karlo la 4-a.
Dum la Hispana Sendependiga Milito ne suferis damaĝon, sed dum la karlistaj militoj la vilaĝo venkis la karlistajn trupojn. Dum la Hispana Enlanda Milito la vilaĝo estis en la teritorio de Francisco Franco kaj okazis kelkaj epizodoj de lukto de geriloj eĉ post la milito.
La perdo de populacio je la mezo de la 20a jarcento pro elmigrado estis iome bremsita pro la kultivo kaj produktado de tabako kaj papriko kiu iom riĉigis la dediĉintajn al tiu profesio.
Monumentoj kaj vidindaĵoj
- Preĝejo de San Pedro Apostolo, rekonstruita en la 15a jarcento kaj 16a jarcento. Kun absido duoncirkla de la 14a jarcento kaj paroĥa muzeo.
- Ermito de Sankta Mikaelo
- Ermito de la Kristo de la Pasio
- Ermito de la Kristo de la Sano
- Monaĥejo de Sta. Catalina de Siena de la Dominikanoj, konfesistoj de Filipo la 2-a, en ruinoj, je 2 km al Jarandilla de la Vera.
- Romia ponto, ĉe la gorĝo de Sankta Gregorio.
- Domo de la episkopo Godoy, episkopo de Osma kaj Sigüenza.
- Fonto de Boticario (Apotekisto)
- Fonto de Sankta Mikaelo
- Fonto de los 8 caños
- Domaro vetona, en la monteto Castillejos.