Amazonen-Werke
Amazone estas fabrikanto de maŝinoj por agrikulturo kaj komunumoj. Ĝi situas en Hasbergen-Gaste ĉe Osnabrück. La kompanio estis fondita en 1883 de Heinrich Dreyer. Ĝi estas nun en la kvara generacio posedata kaj gvidata de la familio.
Dungitoj estas nun ĉ. 1500. Krom la baza fabriko estas fabrikoj en Hude (ĉe Oldenburg), Forbach (Francio), Lepsiko (Saksio), Tecklenburg-Leeden (Nordrejn-Vestfalio) kaj Samara (Rusio). Vendejaj kompanioj ekzistas en Britio, Francio, Pollando, Ukrainio, Hungario, Serbio kaj Rusio.
La vendosumo estis en 2011 ĉ. 395 mio €. Eksportoj iras en pli ol 70 landojn, la eksport-kvoto estas ĉ. 75% (2010).