American Broadcasting Company
La American Broadcasting Company (ABC) estas unu el la plej grandaj komercaj televidkanaloj en Usono. Fondita en 1943 ekde la antaŭa reto NBC Blue Network, ABC nun estas propraĵo de The Walt Disney Company kaj estas parto de Disney-ABC Television Group. La unua elsendo de tiu ĉi kanalo estis en 1948. Kiel unu el la "Big Three Television Networks" (Tri Grandaj Televidkanaloj), ĝi kontribuis al la populara kulturo de usono per la programaro.
La korporacia sidejo de ABC troviĝas en la kvartalo Upper West Side de Manhatano en Novjorko, kaj la novaĵagentejoj de la kompanio ankaŭ situas en Manhatano, dum la oficejoj por la amuzprogrameroj troviĝas en Burbank, Kalifornio, apude al Walt Disney Studios kaj la korporacia sidejo de The Walt Disney Company.