Anglosaksa kroniko

El Vikipedio, la libera enciklopedio
Saltu al: navigado, serĉo
Unua paĝo de la Peterborough manuskripto de la Kroniko

La Anglosaksa Kroniko estas kroniko pri la historio de la anglosaksoj, verkita en la anglosaksa lingvo.

Ĝi estis inicie verkita dum la 9a jarcento, verŝajne en Wessex, dum la regno de Alfredo la Granda. Oni distribuis kopiojn al anglaj monaĥejoj, kiuj sendepende ĝisdatigis la historion. Unu monaĥejo, tiu de Peterborough, aldonis eventojn ĝis 1154.

Postvivas naŭ manuskriptoj, kvankam ĉiuj estas kopioj de fruaj manuskriptoj kaj ili ne samas. La plej frua evento priskribata okazis en la jaro 60 AK. La verko estas tre grava fonto de informoj pri la anglosaksa epoko. Postaj mezepokaj historiistoj uzis la kronikon, kaj ekz. Vilhelmo de Malmesbury posedis kopion.