Anna Seghers

Anna Seghers (1966)

Anna SEGHERS (* je la 19-a de novembro 1900 en Mainz, † je la 1-a de junio 1983 en Orienta Berlino) estis juddevena germana aŭtorino kun komunismaj idealoj. En la jaro 1933 ŝi fuĝis de la nazioj el Germanio tra Francio kaj Hispanio al Meksiko. En 1947 ŝi konforme al sia politika sinteno ekloĝis en Germana Demokratia Respubliko GDR, kie ŝi ĝismorte restis.

Inter ŝia verkaro plej famas la romano “Das siebte Kreuz” (=La sepa kruco), kiu temas pri la fuĝo de sep kaptitoj el faŝisma koncentrejo. Ses el ili estas retrovataj, mortigataj kaj ligataj al lignaj krucoj. La sepa kruco restas vaka: ĝi estas simbolo de la espero en preskaŭ senespera tempo. Kvankam tiu ĉi romano en 1944 estis tre sukcese filmigita en Usono, Anna SEGHERS pro sia komunisma sinteno longtempe ne trovis veran aprobon en la okcidenta mondo.

Famaj verkoj

• Aufstand der Fischer von St. Barbara (1928)
• Der Kopflohn (1933)
• Das siebte Kreuz (1942)
• Transit (1944)
• Die Toten bleiben jung (1949)
• Die Entscheidung (1959)
• Das Vertrauen (1968)
• Überfahrt (1971)

Eksteraj ligiloj

greke http://www.anna-seghers.de greke http://www.ub.fu-berlin.de/internetquellen/fachinformation/germanistik/autoren/multi_pqrs/seghers.html greke http://www.adk.de/deutsch/gedenkstaetten_seghers_fst.html greke http://web.resist.ca/~nemesisa/