Anne de Vries

El Vikipedio, la libera enciklopedio
Saltu al: navigado, serĉo

Anne de VRIES (naskiĝis la 22-an de majo 1904, mortis la 29-an de novembro 1964) estis nederlanda instruisto kaj verkisto. Li precipe famiĝis pro du libroj pri la knabo Bartje el la provinco Drenthe.

Li trapasis sian junaĝon en malnova farmbieno kiu situis izolita sur la kampo apud Assen. Kiel lernejano li verkis mesaĝojn por la Asser Courant (Gazeto de Assen) per kio li perlaboris po duonan guldenon. Li ankaŭ verkis kristnaskan rakonton kiu valoris du kaj duonan guldenon.

Pro nostalgio al sia naskiĝejo Drenthe li verkis la unuajn libretojn en sia posta loĝejo Zeist. Tie li ankaŭ verkis la libron Bartje kiu ne longe pliposte fariĝis nocio. Li mem diris ke ĉi tiu libro povas esti rigardata kiel lia membiografio.

Post la sukceso de Bartje venis la daŭrigo: Bartje zoekt het geluk (Bartje serĉas la feliĉon), kiu fariĝis same sukcesa kiel la unua parto. Bartje estis i.a. tradukita en germana, dana, sveda, norvega, ĉeĥa kaj hungara lingvoj, ankoraŭ ne en Esperanto.