Anny Ondráková

El Vikipedio, la libera enciklopedio
Saltu al: navigado, serĉo
Anny Ondráková
Anny Ondráková.jpg
Naskonomo Anna Sophie Ondráková
Naskiĝo 15-a de majo 1903
Tarnów

Galicia coa1.png Galicio
Flag of Austria-Hungary (1869-1918).svg Aŭstrio-Hungario

Morto 28-a de februaro 1987
Flago de Germanio Hollenstedt, FRG
Kromnomo(j) Anny Ondra
Aktivaj jaroj 1919 - 1951
Nuptopartnero Max Schmeling
v  d  r
Information icon.svg

Anna Sophie Ondráková konata ankaŭ kiel Anny Ondra/ková (15-an de majo 1903, Tarnów, Galicio, Aŭstrio-Hungario, (nun Pollando) – 28-an de februaro 1987, Hollenstedt, Germanio) estis ĉeĥa filma aktorino, edzino de Max Schmeling kaj la tutviva amikino de ĉeĥa aktoro kaj reĝisoro Karel Lamač.

Ŝia patro estis i.r. oficiro de Aŭstrio-Hungario. Ŝi elkreskis en Prago. Sian aktoran karieron ŝi komencis en filmo Palimpsest el la jaro 1919. Tiutempe ŝi mallarĝe kunlaboris en sia propra filma kompanio kun sia tutviva amiko, ĉeĥa aktoro kaj reĝisoro Karel Lamač, kiu promesis al ŝi kelkfoje geedziĝon, sed li neniam geedziĝis kun ŝi. Pli poste venis ankaŭ pluaj proponoj por filmaj roloj. Ekzemple ŝi rolis en filmoj kiel Tu ten kámen aneb Kterak láskou možno v mžiku vzplanout třeba k nebožtíku el 1923, Karel Havlíček Borovský (1925). Ŝi ankaŭ rolis en kelkdekoj da germanaj kaj aŭstraj filmoj. En la jaro 1929 ŝi rolis en du filmoj de Alfred Hitchcock.

La 6-an de junio 1933 ŝi edziniĝis, eble tiel okazis ankaŭ iom pro rezisto rilate al Karel Lamač, kun germana boksisto Max Schmeling. Ilia geedzeco estis egaligita kaj kontenta. Dividigis ilin eĉ ne tragedio el la jaro 1936. Tiam Anny dum neklarigitaj cirkonstancoj karambolis en aŭtomobilo kaj abortis. Kiam komenciĝis la dua mondmilito, Anny vivis jam daŭre en Germanio. Ŝi kelkfoje aperis eĉ kiel gasto ĉe Goebbels-familio, sed ŝi faris tion onidire nur pro tio, por ke ili havu kun la edzo trankvilon kaj ne estu suspektataj - ŝi pro sia ĉeĥoslovaka deveno, li pro tio, ke lia antaŭa meneĝero estis judo. Ilia geedzeco eltenis ĝis la morto de Anny en la jaro 1987. Karel Lamač mortis en ŝia brakumo la 2-an de aŭgusto 1952.