Antareso

El Vikipedio, la libera enciklopedio
Saltu al: navigado, serĉo
Antareso centre de la konstelacio Skorpio

Antareso (latine Antares) estas la propra nomo de la astro α en la konstelacio Skorpio (α Scorpii). Temas pri ruĝa supergiganta stelo en la galaksio Lakta Vojo kaj la dek-sesa plej brila stelo en la dumnokta ĉielo (Ĝi estas foje listita kiel 15-a plej brila, se la du pli brilaj eroj de la kvarobla stelsistemo Kapelo (Capella) estas rigardataj kiel unu stelo). Kune kun Aldebarano, Spiko, kaj Reĝeto (Regulus), ĝi estas unu el la kvar plej brilaj steloj proksime de la ekliptiko. Ĝi estas la plej brila stelo en la konstelacio Skorpio, kaj estas ofte nomata kiel "la koro de la skorpio". Antareso estas malrapida varianta stelo kun mezuma grando de +1,09.

skema bildigo de la stelo Antareso A (ruĝe), kaj la partnero Antareso B (blue, reale multe pli malgranda ol ĉi-tie bildigite)

Antareso estas la plej brila, plej masa kaj plej evoluita membro de la plej proksima stelgrupo Skorpio-Centaŭro. Ĝi konsideritxas membro de la supra skorpia subgrupo de la stelgrupo, kiu enhavas milojn da steloj kun meznombra aĝo de 11 milionoj da jaroj je distanco de proksimume 470 lumjaroj disde la Tero.