Aprilo de 2008

Jen listo de okazaĵoj en aprilo 2008.

28-a de aprilo

UEA centjariĝas!
43 homoj mortis, pli ol 200 estas vunditaj pro la kolizio de du pasaĝeraj trajnoj en Ĉinio lunde frumatene.

Rusa Ortodoksa Eklezio festas Paskon.
En Moskvo okazis subtena marŝo kun frapfrazo "Kosovo estas Serbio!", ĝin partoprenis pli ol mil homoj. La marŝintoj i. a. alvokis rusian registaron sendi pacigajn trupojn en la partojn de Kosovo, kie ankoraŭ loĝas etnaj serboj.

La anoncita de la zimbabva registaro rekalkulado de la balotiloj evidente konfirmas, post elkalkulado de la plej multaj el la 23 elektosekcioj, venkon de la opozicia Movado por Demokratia Ŝanĝo en la parlamenta baloto antaŭ kvar semajnoj.

La hispana registaro blokas portempe la vendon de sunflora oleo, pro suspekto pri kontaminado en sendaĵo el Ukrainio. Aliaj okcidenteŭropaj landoj ankaŭ trovis similan kontaminadon.

En El Progreso, urbo norde de Tegucigalpo, la ĉefurbo de mezamerika Honduro, estas pafmortigita la estrino de la plej granda sindikata asocio. Pluraj atakantoj murdis la 60-jaraĝan Altagracia Fuentes kaj ŝiajn du akompanantojn. Ili estis survoje al San Pedro Sula por tie prepari manifestaciojn je la 1-a de majo.
UEA malfermis la festadon de sia centjariĝo per Simpozio pri la aktuala stato de lingvaj rajtoj en la sidejo de Unuiĝintaj Nacioj en Ĝenevo, Svislando.

Bohdan Daniliŝin, ukraina ministro pri ekonomiko, supozis, ke kresko de la prezoj por bananoj kaŭzas la rekordan inflacion de la loka valuto, hrivno.

Volgia interregiona prokurejo konstatis, ke en Volgo estas 2107 forlasitaj ŝipoj, pluraj el ili ne havas posedanton kaj detruiĝas, poluante la riveron kaj malhelpante navigadon. La trovitajn ŝipojn oni planas eligi kaj reutiligi la metalon.

La eksa episkopo Fernando Lugo venkas en la prezidentaj balotoj de Paragvajo. Li fariĝos la unua prezidento ne apartenanta al la Partido Colorado post pli ol 60 jaroj.

Je la finiĝo de sia vizito en Usono la Papo Benedikto la 16-a preĝis sur la memorloko Ground Zero kaj faras sian lastan predikon en la nov-jorka Janki-stadiono.
La eks-episkopo Fernando Lugo (56-j.), gvidanto de la opozicia Alianco Patriota por la Ŝanĝo gajnas la prezidentan baloton en Paragvajo kun 40,8 % de la voĉoj. Li atingas historian potencŝanĝon pri la Kolorado-partio, reginta dum la pasintaj 61 jaroj. Ĝia kandidatino Blanca Ovelar antingas 30,8 %. Partoprenis en la baloto 65 %.

Tri semajnojn post la pridisputataj parlamenta kaj prezidenta balotoj en Zimbabvo komenciĝas parta rekalkulado de la balotiloj. La opozicio, jam vidanta sin kiel venkinto de la balotoj, antaŭtage malsukcesis antaŭ tribunalo kun protesto kontraŭ tio.
La germana rekordĉampiono Bavario Munkeno venkis 14-an fojon la pokalon de Germana Futbal-Asocio. Ĝi venkis la teamon de Borussia el Dortmund du kontraŭ unu post plilongigo. Ambaŭ munkenajn golojn ŝotis la italo Luca Toni.
Buso kun turistoj el Finnlando renversiĝis en suda Hispanio post kolizio kun ĵipo. La franca novaĵagentejo Agence France-Presse informas pri naŭ mortintoj kaj 19 grave vunditaj homoj.

Kiel politika supro de sia vizito en Nov-Jorko Papo Benedikto la 16-a unuafoje parolas antaŭ la Ĝenerala Asembleo de Unuiĝintaj Nacioj.
Densa fumo malfunkciigas aertrafikon kaj obstrukcas aŭtomobilan trafikon en argentina ĉefurbo Buenos-Ajreso. Kaŭzo estas brulegoj norde de la urbo, ekbruligitaj de kamparanoj por senradikigi la grundon, informis la ministro pri internaj aferoj Florencio Randazzo. En la riverdelto de Parano areo de ĉirkaŭ 70.000 hektaroj estas en flamoj.

La italoj denove estis vokataj al parlamenta elektado. Laŭ unuaj prognozoj malvaste antaŭas konservativa opoziciestro Silvio Berlusconi kontraŭe de iama roma urbestro Walter Veltroni. Finfine Berlusconi gajnas per antaŭeco de rondcifere ok punktoj. Tiel li fariĝus la trian fojon ĉefo de registaro post 1994 kaj 2001.
En ĉeesto de hispana reĝo Johano Karlo la 1-a la membroj de la dua registaro de José Luis Rodríguez Zapatero estis ĵurigata al siaj oficoj en la Palaco de Zarzuelo.
La trajntrafiko inter Kolkato en Barato kaj la ĉefurbo de Bangladeŝo, Dako, rekomencas funkcii post interrompo de 43 jaroj.

Usona fizikisto John Archibald Wheeler, kiu donis nomon al la "nigra truo", mortis 96-jare en sia domo en usona ŝtato Nov-Ĵerzejo je la sekvoj de pneŭmonio.

Ĉe kraŝo de sudana kargoaviadilo en iama soveta respubliko Moldavujo mortis ĉiuj ok aviopersonaranoj. La maŝino de tipo Antonow AN-32 kraŝis proksime de la flughaveno de moldava ĉefurbo Kiŝinevo, kiel raportis la novaĵ-agentejo ITAR-TASS.

Oni devis estingi la Olimpikan torĉon en Parizo pro la perforta agado de la kontraŭĉinaj (portibetaj) protestantoj. Oni volis uzi eĉ fajroestingilon por malebligi vojon de la olimpika flamo.

Usona prezidento George Bush venis en la rusian urbon Soĉi por renkontiĝi kun la prezidento de Rusio Vladimir Putin. Kun Bush venis 700-homa delegacio. La du prezidentoj interalie vizitos olimpikajn objektojn en la urbo, kiu gastigos la Vintran Olimpikon en 2014.

Bertie Ahern rezignas kiel ĉefministro de Irlando post koruptadaj akuzoj.
Komenciĝas NATO-kunsido en la Parlamenta Palaco, Bukareŝto, Rumanio. La partoprenantoj invitas Kroation kaj Albanion al NATO.