Arbaroj de Frejzer-Altebenaĵo kaj Frejzer-Baseno
La arbaroj de Frejzer-Altebenaĵo kaj Frejzer-Baseno estas tersupraĵa ekoregiono el la okcident-nordamerika ekoprovinco de la nearkta ekozono laŭ la tipologio de la Monda Natur-Fonduso (WWF). Biome ĝi apartenas al mezvarmaj koniferarbaroj de Brita Kolumbio. Botanike tiuj arbaroj situas en la Rok-Montara Flaŭra Regiono.
Enhavo |
Priskribo [redakti]
La ekoregiono ampleksas la mezajn partojn de la akvokolekta areo de la rivero Frejzero kaj situas en la norda parto de la Landinterna Altebenaĵo de Brita Kolumbio. La WWF-ekoregiono kongruas kun du ekoregionoj laŭ la tipologio de la Kanada Media Agentejo : la Frejzer-Altebenaĵo kaj la Frejzer-Baseno. Plimulto de Frejzer-Altebenaĵo havas vulkanan bazon kun kruta deklivaro laŭlonge de riveroj kaj riveretoj kaj preskaŭ ebenaj supraĵoj. Fiziografie, la Frejzera Baseno estas sekcio de la pli vasta Nord-Altebenaĵa provinco, kiu siavice estas parto de la pli vasta fiziografia divisio de la Intermontaraj Altebenaĵoj.
Flaŭro [redakti]
La vegetaĵaro de tiu ekoregiono estas transira ekde la marbordaj arbaroj okcidente ĝis la pli sekaj landinternaj arbaroj oriente. La subalt-montara zono estas karakterizita de tordopino (Pinus contorta), Engelman-piceo (Picea engelmannii) kaj rok-montara abio (Abies lasiocarpa). Montarbaroj entenas tordan pinon, ŝajntremolan poplon (Populus tremuloides), glaŭkan piceon (Picea glauca) kaj Menzies-pseŭdocugon (Pseudocugo menziesii). Herbejoj troviĝas en la valofundoj laŭlonge de la riveroj Frejzero kaj Ĉilkotin. Alt-montara tundra vegetaĵaro ankaŭ ĉeestas je la plej altaj altitudoj. Fajro verŝajne estas la plej grava perturba reĝimo.
Faŭno [redakti]
La ekoregiono gastigas 172 birdospeciojn kaj 61 mamulspeciojn [1].
Karakteriza bestiaro inkluzivas boacon (Rangifer tarandus), kojoton (Canis latrans), alkon (Alces alces), kanadan ŝafon (Ovis canadensis), nigravostan cervon (Odocoileus hemionus), grizan lupon (Canis lupus), amerikan nigran urson, ondatron ( Ondatra zibethica ), kanadan linkon (Lynx canadensis), kanadan gruon (Grus canadensis), bluan lagopon (Dendragapus obscurus), kanadan lagopon (D. canadensis), Bonasa umbellus kaj Tympanuchus phasianellus (fazanedoj).
Vidu ankaŭ [redakti]
 |
Rilataj artikoloj troviĝas en Portalo pri Biologio |
Referencoj [redakti]
 |
Rilataj artikoloj troviĝas en Portalo pri Nordameriko |
- ↑ angle (2010) The Atlas of Global Conservation: Changes, Challenges, and Opportunities to Make a Difference. University of California Press. ISBN 978-0520262560.
Eksteraj ligiloj [redakti]
 |
Rilataj artikoloj troviĝas en Portalo pri Geografio |
- angle Ekoregiono NA0514 : Arbaroj de Frejzer-Altebenaĵo kaj Frejzer-Baseno (WWF)
- angle Arbaroj de Frejzer-Altebenaĵo kaj Frejzer-Baseno (WWF-Wildworld)
- angle Arbaroj de Frejzer-Altebenaĵo kaj Frejzer-Baseno (Wildworld) - Nacia Geografia Societo
- angle Arbaroj de Frejzer-Altebenaĵo kaj Frejzer-Baseno (The Encyclopedia of Earth)
- angle Arbaroj de Frejzer-Altebenaĵo kaj Frajzer-Baseno (Globalspecies)
- angle Situo de la ekoregiono : tajpu Fraser Plateau and Basin complex
|
||||
