Helpieda hilofilo
 | ||||||||||||||
|---|---|---|---|---|---|---|---|---|---|---|---|---|---|---|
 Helpieda hilofilo
| ||||||||||||||
| Biologia klasado | ||||||||||||||
| ||||||||||||||
| Hylophilus flavipes (Lafresnaye, 1845) | ||||||||||||||
| Konserva statuso | ||||||||||||||
 | ||||||||||||||
Aliaj Vikimediaj projektoj
| ||||||||||||||
La Helpieda hilofilo aŭ Arbusta hilofilo, Hylophilus flavipes, estas specio de birdo de la familio de Vireedoj kaj genro de Hylophilus, kiuj estas malgrandaj paserinoj de Sudameriko, pli verdecaj birdoj ol la tipa en la familio genro de Vireoj, el kiu ĝenerala koloro devenas la nomo, esperantigita kiel Hilofiloj aŭ pli kompreneble verduloj. Ĝi reproduktiĝas en Kostariko, Panamo, Kolombio, Venezuelo kaj Tobago.
Ĝi estas birdo de arbarbordoj kaj savano kiu konstruas profundan tasforman neston penditan el arbobranĉo. La ino demetas kutime 3 blankajn ovojn, kiu estas markataj brune.
Plenkreskulo de Helpieda hilofilo estas 11.5 cm longa kaj pezas 13 g. Ĝi estas ĉefe olivverdeca al olivbruneca en supraj partoj, kun pli brilaj flugiloj kaj pugo, kaj olivecbruna kapo kun tre svaga superokula strio kaj flaveca okulringo. La subaj partoj estas helflavecaj, la beko estas ĉefe malhela kaj la kruroj estas helaj kompare kun proksimaj parencoj, kio nomigas la specion kaj en Esperanto kaj en la latina scienca nomo kie flavipes signifas precize “de flavaj piedoj”. La alvoko estas longa serio de notoj ŭiri-ŭiri-ŭiri-ŭiri, interrompitaj per trilado kaj fajfoj.
La raso H. f. insularis estas granda kun fortika beko formo kun bruna iriso endemia de Tobago. Aliaj rasoj diferencas pro la nuanckoloro de subaj partoj.
Helpiedaj hilofiloj manĝas insektojn kaj araneojn kaptitajn el supra kaj meza tavoloj de la kanopeo. Ili manĝas ankaŭ berojn, ĉefe antaŭ migrado.
Referencoj[redakti | redakti fonton]
- BirdLife International (2004). Hylophilus flavipes. Internacia Ruĝa Listo de Endanĝeritaj Specioj, eldono de 2006. IUCN 2006. Elŝutita 12a Majo 2006. Malplej Zorgiga.
- ffrench, Richard. (1991) A Guide to the Birds of Trinidad and Tobago, 2‑a eldono, Comstock Publishing. ISBN 0-8014-9792-2.
- Hilty, Steven L. (2003) Birds of Venezuela. Londono: Christopher Helm. ISBN 0-7136-6418-5.
- A guide to the birds of Costa Rica de Stiles kaj Skutch ISBN 0-8014-9600-4
| ||||||||||||||||||
