Latero (grafeteorio)
El Vikipedio
(Alidirektita el Arko (grafeteorio))
En grafeteorio, latero aŭ eĝo estas unu el la fundamentaj unuoj el kiuj grafeoj estas formitaj.
Sendirekta grafeo konsistas el aro de verticoj kaj aro de lateroj kiuj tiam estas neordigitaj paroj de verticoj. Orientita grafeo konsistas el aro de verticoj kaj aro de lateroj kiuj tiam estas arkoj - ordigitaj duopoj de verticoj.
Al latero povas esti asignita valoro aŭ pezo. Minimuma generanta arbo estas subgrafeo kiu kunkonektas ĉiujn verticojn de la grafeo sed enhavas nur parton de la lateroj, la lateroj estas elektitaj tiel ke sumo de iliaj pezoj estas minimuma. La alia komuna uzo de la pezoj estas la vojaĝa tempo aŭ kosto por la vojaĝa komiza problemo.
 Nedirektita grafeo kun 6 verticoj kaj 7 lateroj |
 Povas esti pluraj lateroj inter la samaj du verticoj (ruĝaj), povas esti lateroj kiu konektas verticon al si (blua) |
 Lateroj de direktita grafeo havas siajn direktojn, montritajn per sagoj |
 Lateroj kun pezoj |
Vidu ankaŭ[redakti]
- Latero (geometrio)
- Hipereĝo ĉe hipergrafeo estas ĝeneraligo de latero al ajna kvanto de la enhavataj verticoj.
- Dudirekta grafeo povas enhavi specialajn specojn de lateroj
- Arko-transitiva grafeo
- Senlatera grafeo
