Armena katedralo de la Sankta Kruco

El Vikipedio, la libera enciklopedio
Saltu al: navigado, serĉo
La katedralo ĉe la insulo de la Lago Van.

La Preĝejo de la Sankta Kruco (armene Սուրբ Խաչ, Surb Ĥaĉ) sur la insulo Aĥtamar ĉe lago Van, en Okcidenta Armenio, nuna orienta Turkio, estis katedralo de la Armena Apostola Eklezio, konstruita kiel palaco-preĝejo por la reĝoj de Vaspurakano kaj poste ĝi funkciis kiel seĝo de la Armena Katolikosato de Aĥtamar.

Inter 1116 kaj 1895 la insulo Aĥtamar estis la loko kie seĝis la Armena Katolikosato de Aghtamar. Ĥaĉatur la 3-a, mortinta en 1895, estis la lasta Katolikoso de Aghtamar. En 1915, dum la Armena Genocido, la monaĥoj de Aghtamar estis masakritaj, la katedralo forrabita kaj la monaĥaj konstruaĵoj detruitaj.

Post tiuj okazintaĵoj la katedralo ne plu estis uzata. Kiam la verkisto kaj ĵurnalisto Yaşar Kemal vizitis la insulon en 1951, li diris ke la katedralo ekdetruiĝis. Li uzis siajn kontaktojn kun la publiko kaj helpis la haltigon de la detruado. Malgraŭ tio, ĝi restis en la forgeso ĝis 2005, kiam la restaŭrado kiel sekulara muzeo estis entreprenita de la turka registaro.