Armeo de Latvio

El Vikipedio, la libera enciklopedio
Saltu al: navigado, serĉo
Soldato de la latva armeo dum la iraka milito.

La Latvaj Naciaj Armitaj Rotoj (latve: Latvijas Nacionālie bruņotie spēki) konsistas el 5 910 soldatoj. La latva strategio pri defendo baziĝas sur la sveda-finna modelo de rapidreplika armeo kun nur malmultaj profesiaj militistoj. La ter-, mar- kaj aerarmeo entute entenas soldatkvanton de 5 864 homoj. La "Zemessardze", aŭ nacia gardistaro, estas aŭtonoma, kvazaŭmilitista organizo da 11 000 homoj, kiu cetere plenumas la taskojn de nacia, ceremonia gardistaro.

Lavtio freŝdate igis sian armeon tute profesian : la lasta deviga rekrutado datiĝas de 2005, kaj la lastaj tiel rekrutitaj soldatoj finis sian servon la 23-an de novembro 2006. Ekde la 1-a de januaro 2007, ĉiuj latvaj soldatoj rekrutiĝas per kontraktoj. La ĝenerala elspezo pri defendo de Latvio emas pligrandiĝi, kaj en 2006 reprezentis 1.65% de la latva buĝeto.

Latvo aktive kooperas kun Estonio kaj Litovio en la kuna infanteria bataliono BALTBAT, kaj en la militŝipa eskadro BALTRON. La lando plie oficiale kuniĝis NATO la 29-an de marto 2004.