Armin Gmeiner
El Vikipedio
Armin GMEINER (naskiĝis la 24-an de aŭgusto 1964 en Meßkirch) estas germana eldonisto.
Kiel messervanto de pastro Bernhard Eichkorn, li konatiĝis kun la Esperanto-movado. En 1986, kiel studento de ekonomia inĝenierarto (direkto presado kaj eldonado), li komencis eldoni tradukojn en Esperanto. Poste aldoniĝis verkoj pri regiona historio. Ekde 1998 li eldonas krimromanojn.
Nuntempe (2009) lia eldonejo Gmeiner-Verlag GmbH havas 12 dungitojn kaj eldonas pli ol 50 krimromanojn jare. La eldonejo ne plu vendas librojn en Esperanto.
