Arni AG
| Arni | |
|---|---|
 | |
 | |
| komunumo en Svislando | |
| Kantono | Argovio |
| Distrikto | Bremgarten |
| Koordinatoj | 47° 19′ 10″ N 8° 25′ 20″ O / 47.31944 °N, 8.42222 °O (mapo)Koordinatoj: 47° 19′ 10″ N 8° 25′ 20″ O / 47.31944 °N, 8.42222 °O (mapo) |
| Areo | 3,37 km² |
| Alteco | 568 m super marnivelo |
| Poŝtkodo | 8905 |
| Komunumkodo | 4061 |
 | |
Pri la komunumo
Arni estas komunumo en la distrikto Bremgarten de Kantono Argovio, Svislando. Ĝi havis 1619 loĝantojn je la 31-a de decembro 2008.
Geografio
La komunumo Arni situas proksimume 3 kilometrojn oriente de la rivero Reuss sur kaldronforma altebenaĵo, kiu estas senakvigita per la rivereto Arnibach, kiu en Unterlunkhofen alfluas al Reuss.
La areo de la komunumo etendiĝas sur 3,37 km², de kiuj 0,95 km² estas kovritaj de arbaro kaj 0,41 km² de konstruaĵoj. La plej alta punkto de la komunumo situas sur alteco de 642 m s.m., ĝia plej malalta punkto sur 517 m s.m.
Najbaraj komunumoj
La komunumo Arni limas en nordo al Aesch (Kantono Zuriko), en oriento al Islisberg, en sudoriento al Hedingen (Kantono Zuriko), en sudokcidento al Jonen, en okcidento al Oberlunkhofen kaj Unterlunkhofen, kaj en nordokcidento alOberwil-Lieli.
Trafiko
Kvankam Arni situas flanke de la ĉefaj trafikvojoj, ĝi bone atingeblas. Al la publika trafikreto la komunumo estas konektita per la poŝtaŭtolinio de Muri al Zuriko-Wiedikon. En distanco de tri kilometroj oriente post Aesch troviĝas alveturejo al la svisa aŭtovojo A3 kaj CH-A4. Tra la nova aŭtovoja tunelo sub Uetliberg oni atingas aŭtomobile la centron de la urbo Zuriko en nur 10 minutoj.
Historio
La unua dokumenta mencio de Arni datiĝas el la jaro 1184 kiel Arne.
La hodiaŭa komunumo Arni kreiiĝis en la jaro 1983 per la disiĝo de la ĝis tiam unueca komunumo Arni-Islisberg al la du aŭtonomaj komunumoj Arni kaj Islisberg.
Vidu ankaŭ
- Aliaj lokoj kun la nomo Arni
