Artur Resizade

El Vikipedio, la libera enciklopedio
Saltu al: navigado, serĉo
Artur Resizade
Artur Rəsizadə
Artur Resizade

ĉefministro de Azerbajĝano
En funkcio:
formale nun de novembro 2003, fakte jam de julio 1996 – 4-a de novembro 2003
Antaŭulo Ilham Alijev

Naskiĝo 1935
en
Nacieco azerbajĝana
Profesio politikisto
v  d  r
Information icon.svg

Artur Rəsizadə aŭ plennome Artur Tahir oğlu Rəsizadə, rusa formo Артур Таир оглы Расизаде [Artur Tair ogli Rasizade], ofte laŭ la rusa formo angle literumita Artur Rasizade, kvankam laŭ intensa diskuto en la angla vikipedio alternative Artur Rasizada kaj en Esperanto pli trafe Artur Resizade, estas azerbajĝana politikisto naskiĝinta en 1935. Ekde la 15-a de oktobro 2003 li estas la ŝtata ĉefministro de Azerbajĝano.

Antaŭ la disfalo de Sovetunio, en Azerbajĝana SSR, li dum multaj jaroj estis aktiva membro de la Azerbajĝana Komunista Partio. Li estis ĉefministro inter la 20-a de julio 1996 ĝis la 4-a de aŭgusto 2003, kiam li demisiis, oficiale pro sanaj kialoj, ebligante al la filo de la tiama ŝtata prezidanto Hejdar Alijev, Ilham Alijev, transpreni la ĉefministran postenon. Praktike li tamen pluplenumis la ĉefministrajn taskojn, kaj kiam Ilham Alijev estis elektita nova ŝtata prezidanto, Artur Resizade formale reprenis la ĉefministran postenon la 4-an de novembro 2003.