Nuklea energio
Atomkerna energio (aŭ nuklea energio) estas la energio produktita per la procezoj okazantaj en atomkernoj.
Ekzistas du ĉefaj procezoj kiuj permesas la praktikan produktadon de energio por teĥnikaj celoj:
- La fendiĝo de pezaj nukleoj, ekz-e uranio, kiu nomiĝas nuklea fisio
- La fandiĝo de du malpezaj atomkernoj, kiu nomiĝas fuzio. Tiu ĉi estas la procezo per kiu kreiĝas la energio de la suno kaj la ceteraj steloj.
La fisio estas uzata en la t.n. atomcentraloj, por la produktado de elektro. La fuzio kaj fisio estas ambaŭ uzataj por armilaj celoj (vidu atombombo).
La ĝusta nomo de tiu tipo de energio estas "atomkerna energio" aŭ "nuklea energio". Oni tre ofte uzas la vorton "atomenergio", sed tio estas principe erara, ĉar ja ankaŭ la ĥemiaj procezoj okazas en la atomo, kvankam ne en la kerno.
[redakti] Disputo
Nuklea energio estas multe pridisputata. Ĉefaj argumentoj kontraŭ ĝia uzado estas la manko de taŭga deponejo por atomrubo kaj la misuzeblo por teroristaj celoj. (AVE prezentas esperantlingve ampleksan katalogon de kontraŭargumentoj [1]) Rilate al CO2-emisio atomenergio havas novajn propagandistojn.
[redakti] Vidu ankaŭ
- Nuklea centralo
- Nuklea energio laŭ lando
- Kernfiziko
- Enrico Fermi
- Produktado de energio en estonteco
- Nuclea restaĵo
- Radioaktiveco
- Radioizotopa termoelektra generatoro
- Renoviĝanta energio
- Restaĵo
- Nuklea akcidento de Ĉernobilo
- Nuklea centralo Fukuŝima 1
- Internacia Atomenergia Organizo
[redakti] Notoj, referencoj
- ↑ 100 Bonaj Argumentoj kontraŭ la Atomenergio, la esperanta versio de 100 gute Gründe gegen Atomkraft (de)
