Augustin Pitlík

El Vikipedio, la libera enciklopedio
Saltu al: navigado, serĉo
Augustin Pitlík
PITLIK.JPG
Dato de naskiĝo 24-an de julio 1883
Loko de naskiĝo Bavorov, Bohemio,
Flag of Austria-Hungary (1869-1918).svg Aŭstrio-Hungario
Dato de morto 1960
Nacieco ĉeĥo
v  d  r
Information icon.svg

Augustin PITLÍK (naskiĝis la 24-an de julio 1883 en Bavorov, mortis la 4-an de aprilo 1960 en Prago), estis ĉeĥoslovako, doktoro pri filologio, supera sekretario en komerca ministerio en Prago, direktoro de kursoj en Doksy kaj Honora membro de UEA.

Pitlík estis esperantisto de 1902. En 1912-13 li travojaĝis Eŭropon kun lumbildparolado Esperantlingva, kaj per tio multe helpis la propagandon. Li parolis en 33 urboj de 11 ŝtatoj antaŭ sume 9370 homoj pri „Prago, popolaj kostumoj kaj Sokolaro“. Li estis Ĝenerala Sekretario de la UK en Prago 1921. De 1922 lektoro de Esperanto ĉe la ĉeĥa teknika altlernejo en Prago. La 11-an de novembro 1923 li fondis Ĉeĥoslovakan Esperanto-Instituton, kies prezidanto li iĝis. En 1928 dum pluraj monatoj Pitlík eldonadis Ĉeĥoslovakan Esperanto-preson sendatan i. a. ankaŭ al redakcioj por represo de la informoj pri Esperanto kaj ĝia movado. De 1930 li estis vicprezidanto de Ĉeĥoslovaka Asocio Esperantista (ĝis 1938). Ano de la ŝtata ekzamena komisiono. Laboris por aperigo de Esperantaj turismaj eldonaĵoj; tradukis al Esperanto eldonaĵon de la fervoja ministerio. Lingva Komitatano. Posedis distingilojn finnan kaj francan.

Fontoj[redakti | redakti fonton]

  • Stanislav Kamarýt: Historio de la Esperanto-movado en Ĉeĥoslovakio, Praha 1983, vivdatoj de A. Pitlík p. 246)
  • Progreso, n-ro 1-2, 1923, p. 2 - enhavas la foton kaj koncizan priskribon de lia laboro