Aveyron
Aveyron | |
---|---|
departemento de Francio | |
Administrado | |
Lando | Francio |
Regiono | Sudo-Pireneoj |
Numero | 12 |
Prefektejo | Rodez |
Subprefektejoj | Millau Villefranche-de-Rouergue |
Prezidanto de la departementa konsilio |
Jean-Claude Luche |
Prefekto | {{{prefekto}}} |
Statistikaĵoj | |
Loĝantaro | 279 649 (2021) |
Areo | 8 735 km² |
Loĝdenso | 32 /km² |
Subdividoj | |
Arondismentoj | 3 |
Kantonoj | 46 |
Komunumaroj | 36 |
Komunumoj | 302 |
Aveyron (franca elparolo: [aveʁɔ̃], okcitane Avairon [abajru]) estas unu el la ok departementoj de la franca regiono Sudo-Pireneoj. Ĝi etendiĝas sur 8 735,1 km2 kaj havis 281 370 loĝantojn en 2012[1]. Ĝi havas 302 komunumojn.
La plej granda parto de ĝia teritorio konsistas el altaj ebenaĵoj tranĉitaj per profundaj interkrutejoj. Tiuj ebenaĵoj nomiĝas tie "Causses".
For de la gravaj industriaj centroj de la lando, la ekonomia vivo de Aveyron precipe dependas de agrikulturo (bredado, cerealoj) kaj kelkaj malgrandaj tradiciaj industrioj (fabrikado de fromaĝoj, de ledaj vestaĵoj, de mebloj). Aveyron posedis gravan min-industrion, sed ĝi tute malaperis.
La ĉefurbo de la departemento estas Rodez, alia granda urbo estas Millau [mijo]. Millau fariĝis tiujn lastajn jarojn fama pro la malmuntado de konstruata "Mac-Donald"-a manĝejeto far José Bové, poste pro lia proceso kaj la manifestacioj kaj budoj (inter ili unu por E-o) alimondismaj, kiuj disvolviĝis tiuokaze. Sur la teritorio de Aveyron troviĝas multaj kasteloj, fortikigitaj vilaĝoj, grotoj prahistoriaj, monaĥejoj, sed oni ankaŭ ne forgesu la eksterordinarajn pejzaĝojn sovaĝajn en la interkrutejoj kaj profundaj valoj.
En Aveyron estis filmita la filmo Microcosmos.
Notoj kaj referencoj
- ↑ Insee. Chiffres clés : Département de l’Aveyron (12) (france). Alirita 26-an de aprilo 2014.