Břeclav

Břeclav
germane: Lundenburg
urbo
Kastelo en Břeclav
Flago Blazono
Oficiala nomo: Břeclav
Ŝtato	Ĉeĥio
Regiono	Sudmoravia regiono
Distrikto	Distrikto Břeclav
Administra municipo	Břeclav
Historiaj regionoj	Moravio, Malsupra Aŭstrio eta parto
Parto de	Dyja triangulo
Muzeo	Pohansko
Konstruaĵo	Sinagogo en Břeclav
Rivero	Dyje
Situo	Břeclav
- alteco	158 m s. m.
- koordinatoj	48°45′34″N 16°52′52″E
Areo	77,11 km² (7 711 ha)
Loĝantaro	25 495 (28.01.2011)
Denseco	330,63 loĝ./km²
Fondo	11-a jarcento
Horzono	MET (UTC+1)
- somera tempo	MEST (UTC+2)
Poŝtkodo	690 02
NUTS 3	CZ064
NUTS 4	CZ0644
NUTS 5	CZ0644 584291
Katastraj teritorioj	3
Partoj de urbo	3
Bazaj sidejunuoj	29
Situo enkadre de Ĉeĥio
Vikimedia Komunejo: Břeclav
Retpaĝo: www.breclav.org
Portalo pri Ĉeĥio

Břeclav estas urbo kun 25 000 loĝantoj, situanta en suda Moravio, sur maldekstra bordo de rivero Dyje, 20 km de urbo Hodonín.

La vilaĝon kaj akvan burgon fondis Břetislav la 1-a post la jaro 1041 en nove destinita limo al Aŭstrio, sur rando de marĉeja arbaro kaj en strategie grava transiro trans rivero Dyje. La burgo havis ankaŭ administran funkcion. Post oftaj ŝanĝoj de posedantoj Břeclav venis en la manojn de Lichtenštejn-anoj. En la jaro 1534 akiris sinjorejon Žerotín-anoj, kiuj komencis en la jaro 1570 alikonstrui la burgon en renesancan kastelon kun arkada toskana kolonado. Post la tridekjara milito Lichtenštejn-anoj revenis (ĝis la jaro 1945), sed tiuj dediĉis pli grandan zorgon al sidejoj en Valtice kaj en Lednice. Pli signifa reguligo de la břeclava kastelo okazis nur komence de la 19-a jarcento.

Impulso de ekonomia prospero kaj preskaŭ troa evoluo estis en la 40-aj jaroj de la 19-a jarcento ekkonstruo de fervojo Vieno – Krakovo kaj Břeclav – Brno – Prago, plenigita pli malfrue per fervojo ĝis Bratislava. Pro tio Břeclav fariĝis unuavica trafiknodo, kiu kontribuis al industriigo de la urbo. En la 2-a duono de la 19-a jarcento Břeclav fariĝis urbo.

Sude de la urbo situas grava arkeologia loko Pohansko. Břeclav estas elirloko al areo en Valtice kaj Lednice, ĝi estas centro de etnografia regiono nomata Podluží (folkloraj tradicioj, popolkutimoj, muziko).

Stacidomo en Břeclav

Kiel fervojnodo kun granda stacidomo en ŝtatlima transirejo al Aŭstrio kaj proksime de ŝtatlimo al Slovakio ĝi havas eksterordinaran signifon.

Listo de linioj

Břeclav estas grava urbo, ĉar ĉi tie estas vojkruco de jenaj fervojaj linioj:

• Linio numero 246 al Znojmo (tra Hrušovany nad Jevišovkou)
• Linio numero 247 al Lednice
• Elektrizia linio numero 250 de Havlíčkův Brod tra Brno al Kúty
• Elektrizita linio numero 330 al Přerov

Internacia persona transporto

De Břeclav eblas veturi per EuroCity trajnoj interalie al Berlino, Bratislavo, Budapeŝto, Varsovio kaj Vieno. Ekzistas ankaŭ personaj trajnoj de ÖBB al Vieno kaj personaj trajnoj al Kúty.