Bahir Dar

El Vikipedio, la libera enciklopedio
Saltu al: navigado, serĉo
tradicia preĝeja konstruaĵo ĉe Bahir Dar

Bahir Dar – ankaŭ latinliterigata Baher Dar kaj Bahar Dar, amhare ባሕር ዳር - estas urbo de Etiopio. Laŭ la stato de la censo de oktobro 1994 ĝi havis 96 140 loĝantojn, kaj laŭ takso de la nacia statistika agentejo en julio 2006 havis 167 261 (ne kalkuliĝas la antaŭurba zono). Laŭ la informoj de la nacia statistika agentejo [1] kaj la vikipedia listo pri grandaj urboj de Afriko temas pri unu el sume 11 etiopiaj urbegoj de pli ol 100 000 loĝantoj. Bahir Dar apartenas al la etiopia regiono Amharo kaj estas ties ĉefurbo, tamen havas iom malpli da loĝantoj ol la samregiona urbo Dese.

la Tisisat-akvofaloj de la Blua Nilo

La urbo situas en la norda centro de la lando, proksimume 450 kilometrojn nordokcidente de Adis-Abebo. Ĝi troveblas ĉe la suda rando de la lago Tana. Pli-malpli 30 kilimetrojn sude de la urbo situas la Tisisat-akvofaloj de la Blua Nilo – la duaj plej grandaj akvofaloj de Afriko.

Notoj[redakti | redakti fonton]

  1. Centra statistika agentejo de Etiopio: nombroj de loĝantoj en ĉiuj urboj de Etiopio (angle)