Balearoj

	Balearoj
	katalune: Illes Balears
	aŭtonoma komunumo
Flago	Blazono
	Oficiala nomo: Illes Balears; Islas Baleares; Balearaj Insuloj
Ŝtato	Hispanio
Regiono	Balearoj
Kelkaj urboj	1
Situo	Majorkurbo
- alteco	13 m s. m.
Ĉefurbo	Majorkurbo
- koordinatoj	39° 34′ 00″ N 02° 59′ 00″ U / 39.56667 °N, 2.98333 °U (mapo)
Areo	4,992 km² (499,2 ha)
Loĝantaro	1 113 114 (2011)
Denseco	222 979,57 loĝ./km²
Aŭtonomeco	1-a de marto 1983
Horzono	MET (UTC+1)
- somera tempo	MET (UTC+2)
ISO 3166-2:ES	ES-IB
	Situo de Majorkurbo enkadre de Hispanio Situo de Majorkurbo enkadre de Hispanio
	Situo de Balearoj enkadre de Hispanio Situo de Balearoj enkadre de Hispanio
	Vikimedia Komunejo: Balearic Islands
	Retpaĝo: Registaro de Balearoj

Reviziita versio de ĉi tiu paĝo, aprobita je 19 sep. 2014, estis bazita sur ĉi tiu versio.

Koordinatoj: 39° 34′ 00″ N 02° 59′ 00″ U / 39.56667 °N, 2.98333 °U (mapo)

La Balearaj Insuloj (katalune: Illes Balears, hispane: Islas Baleares) estas insularo kuŝanta ĉe la okcidenta flanko de la Mediteranea maro. Politike apartenantaj al la Hispana Ŝtato kiel aŭtonoma komunumo estas tamen agnoskataj kiel diferencigita etna komunumo. La regiono, kiu konsistas el la insuloj Majorko (Mallorca), Minorko (Menorca), Ibizo (Eivissa/Ibiza), Formentero (Formentera) kaj Cabrera, situas fronte al Valencio kaj Katalunio kaj ĝia loĝantaro (1.094.972 homoj) estas la 7,7% de la tuta loĝantaro ĉe la katalunlingvio. La ĉefurbo estas Palma de Mallorca.

Etimologio

La nomo de la insuloj devenas de la antikva greka Βαλλιαρεῖς, kaj laŭ tiu nomo estis konataj dum la Antikva epoko. Grekaj kaj romiaj aŭtoroj devenigis la nomon de la fakto, ke inter la loĝantaro troviĝis lertegajn ĵetantojn (βαλεαρεῖς [baleareis], el βάλλω [bállo]), eĉ se Strabono konsideris, ke la vera deveno estis fenica. Fakte, la radiko bal- havas fenican originon; eble la insuloj estis konsekritaj al la dio Baal; tiumaniere, la simileco inter la greka radiko ΒΑΛ (vd. βάλλω), kaj la okupo de la loĝantaro, eble estis la fundamento por la greka nomo. Ke ilia nomo ne estis origine greka, oni tamen deduktis ĉar grekoj ne kutimis nomi la insularon βαλεαρεῖς sed Γυμνησίαι[Gymnesiae] (fakte nur la ĉefaj insuloj, Minorko kaj Majorko) dum kartaganoj kaj romianoj preferis la nomo Balearoj por Minorko kaj Majorko. Ibizo kaj Formentero estis de ĉiuj nomitaj Pitiusoj.