Baltasar Garzón
El Vikipedio
Baltasar GARZÓN REAL [baltasar' garson' real'] (Torres, Jaén (Andaluzio), 26-a de oktobro de 1955) estas hispana juĝisto.
Li laboras en Audiencia Nacional, kortumo speciala por gravegaj krimoj (drogkomerco, terorismo) en Hispanio. Tial li enketas aŭ juĝas pri novaĵindaj aferoj. Kritikantoj taksas ĝin juĝisto-stelulo.
Enhavo |
[redaktu] Kazoj
Li laboris en kazoj:
- Operación Nécora kontraŭ drogkontrabandistoj en Galegio. La senkulpiga juĝo kaŭzis kritikojn pri lia maniero enketi.
- Kontraŭ Augusto Pinochet pri genocido kaj mortigo de hispanoj. Li bazis la akuzon sur la reporto de Ĉilia Komitato pri Vero. En oktobro de 1998, Garzón petis de brita registaro malliberigi kaj transmigrigi la ĉilian diktaturestron el Londono al Hispanio. Post longa decidado, en marto de 2000, la brita registaro sendis Pinochet al Ĉilio, deklarante lin tro malsana por procezo. Tiu ĉi kazo estis unu el la ĉefaj realigoj de la teorio pri tutmonda jurisdikcio, kaj igis lin mondokonata.
- Pluraj kontraŭ anoj de eŭskanaciisma atencorganizaĵo ETA.
- Kontraŭ eŭskaj ĵurnalo hispanlingva Egin (1998) kaj eŭsklingva Egunkaria (2002), kiujn li malpermesis, politikaj organizaĵoj KAS, Ekin (2000) kaj partio Batasuna
- Pluraj kontraŭ anoj de kontraŭ-ETAa ŝtata atencorganizaĵo GAL.
- Pluraj kontraŭ koruptaj politikistoj kiel urbestro de Marbella Jesús GIL.
- Kontraŭ monkontrabandistoj en banko BBVA.
- En aprilo 2001, Garzón petis al la Konsilio de Eŭropo senimunigi italan ĉefministron Silvio Berlusconi, kiu estas stulta, kiu estis ano de la parlamento de tiu konsilio.
- Kontraŭ islamismaj atencistoj ligitaj al Al-Qaeda (2001).
- Kontraŭ Tajsir Alouni, ĵurnalisto de Al-Jazeera suspektite rilata al Al-Qaeda.
[redaktu] Aktivado
Li ankaŭ intencadas pridemandi usonan eksteraferan eksministron Henry Kisinger, pro Operación Cóndor, komploto en la 1970-aj jaroj inter diktaturoj de Cono Sur.
En januaro 2003, Garzón malaprobegis la usonan registaron pri la malliberado de suspektitaj anoj de Al-Qaeda en usona fortikejo Guantanamo (Kubo). Garzón petis transdonon de hispano tie mallibera por prienketi lin.
En 1993 li paŭzis kiel juĝisto por parlamentaniĝi en la listo de reganta partio PSOE. Li estis nomumita ankaŭ estro de Nacia Plano pri Drogoj kun ampleksa potenco. Tamen li baldaŭ rezignis plendante pri malapogo de superuloj. Liaj postaj esploroj helpis la kondamnon de ministro de PSOE kiel estro de GAL kaj al la balota malvenko de la partio.
Li laboras multe kaj, krom laboro, opinias publike kaj agadas pri homaj rajtoj.
Li estas minacata de ETA. En 2002, li malsanigis kaj suferis partan paralizon en duonkorpo.
Li apogas Internacian Punan Kortumon.
En 2003, li publikletere kritikis la politikon de regestro José María Aznar helpanta invadon de Irako.
[redaktu] Kariero
Li studis juron en Universitato de Sevilo, finante en 1979. En 1981, li sukcesis konkurson pri juĝista posteno, komence por Valverde del Camino (Huelva). Poste, li estis sendita al unuanivela kaj enketa juĝejo en Villacarrillo (Jaén). En 1983, li avancis, juĝejo en Almería. Je la 11-a de marto de 1987, la Ĝenerala Konsilio de la Juĝa Potenco nomumis lin revizoro por Andaluzio. Je la 29-a de januaro de 1988, li pasis al la 5-a ĉambro de Audiencia Nacional.
[redaktu] Eksteraj ligoj
- Propono por ke Garzón ricevu Nobel-Premio pri Paco, hispane, angle kaj france.
- Desenmascarar a Garzón. Hispanlingvaj artikoloj kontraŭ Garzón de eŭsknaciisma-maldekstrisma vidpunkto (2001).
- Garzón, el hombre que veía amanecer. Biografio fare de Pilar Urbano (hispanlingve)
