Belega sito
 | ||||||||||||||
|---|---|---|---|---|---|---|---|---|---|---|---|---|---|---|
 | ||||||||||||||
| Biologia klasado | ||||||||||||||
| ||||||||||||||
| Sitta formosa (Blyth,1843) | ||||||||||||||
| Konserva statuso | ||||||||||||||
Aliaj Vikimediaj projektoj
| ||||||||||||||
La belega sito estas eta paseroforma birdo. Ĝi apartenas al sita genro. Simile kiel aliaj membroj de sitedoj (krom roka sito kaj persia sito) ĝi loĝas en arbaraj aŭ arbar-similaj areoj.
Disvastiĝo
Ĝi estas unu el la plej raraj sitoj sur la tero. Ĝi loĝas en nordorienta Barato kaj najbaraj regionoj, kun kuriozaj observaĵoj trans Tajlando, kie povus esti vintra vizitanto aŭ loĝanto aŭ surloke en suda Ĉinio kaj norda Sudorienta Azio.
Aspekto
Tiu orientalisa specio estas granda sito, nigreca supre kun blankeca kaj blueca strekado. La supra dorso, ŝultroj, pugo kaj flankoj estas tre markitaj brilblue. La subo estas paloranĝa iom bruneca, kvankam la vizaĝo estas iom pli pala. En flugo, blanka makulo kontrastas kun la malhela subflugilaĵo. Seksoj estas similaj, kiel ankaŭ birdidoj. Kiel ĉe aliaj sitoj, ankaŭ tiu ĉi montras nigran traokulan strion kaj supre pli helan superokulan strion samkoloran kun la vizaĝo.
Nutrado
Ĝi esplorserĉas insektojn sur altaj arboj en densa arbaro.
Stato de protektado
Tiu rara specio ĉiam estas malfavore influata per elhakado de arbaroj (senarbarigo). Ĝia rareco, malaperanta vivmedio, kutimoj kaj la politika kaj geografia nealirebleco de ĝia teritorio kauzas, ke tiu specio estas malgrande konata. Krome ĝi estas minacata pro perdo de vivejo kaj la specio estas konsiderata kiel vundebla, kio estas la unua ŝtupo en la specioj minacataj.
Eksteraj ligiloj
Libroj
- Tits, Nuthatches and Treecreepers, Harrap and Quinn, (angle) ISBN 0-7136-3964-4
- The Nuthatches, Erik Matthysen, Academic Presss 1998, (angle) ISBN 0-85661-101-8
