Bergen-Belsen

El Vikipedio, la libera enciklopedio
Saltu al: navigado, serĉo
Brita armea buldozo ŝovas antaŭ si mortajn korpojn en amasan tombon, la 19-an de aprilo 1945

Bergen-Belsen estis germana koncentrejo dum la dua mondmilito. Ĝi troviĝis en Malsupra Saksio sudokcidente de urbo Bergen. Inter la jaroj 1943-1945 ĉi tie mortis 100.000 kaptitoj, duono de ili estis militkaptitoj el Rusio. Preskaŭ 35.000 el tiu ĉi nombro mortis pase de kelke da monatoj antaŭ liberigo, kiam en la koncentrejo epidemie disvastiĝis tifo. Kiam la koncentrejo estis la 15-an de aprilo 1945 liberigita, la brita armeo trovis ĉi tie 60.000 grave malsanajn kaptitojn (el kiuj dek kvar mil spite al zorgo mortis mallogtempe post la liberigo) kaj 13.000 neenterigitajn korpojn.

La zorgo pri la savintoj okazis en malproksima tendaro establita el eksa germana tanka bazejo - la koncentrejon mem la brita armeo mallonge post la liberigo pro higienaj kaŭzoj (precipe pro kontamino de la tifo) forbruligis per flamĵetiloj.

Tiu ĉi koncentrejo ne apartenis al ekstermejoj kun gasĉambroj, oni mortadis ĉi tie pro malvarmo, subnutrado aŭ pro malsanoj, kiuj en malbonaj kondiĉoj bone disvastiĝis. La kaptitoj ĉi tie mezproksime kapablis supervivi nur naŭ monatojn. Inter famaj viktimoj de tiu ĉi koncentrejo apartenas Josef Čapek (li mortis en aprilo de 1945) kaj Anne Frank (ŝi mortis en marto de 1945).