Bernhard Minetti

El Vikipedio, la libera enciklopedio
Saltu al: navigado, serĉo
Bernhard Minetti

Bernhard (Theodor Henry) MINETTI [benhat mineti] (naskiĝis la 26-an de januaro 1905 en Kijlo, mortis la 12-an de oktobro 1998 en Berlino) estis germana aktoro.

Dum sia longa aktora kariero li brilis ĉefe per komplikaj karakteraj roloj. Krom en klasikaj dramoj li ekde la 1950-aj jaroj ofte aperis en verkoj de modernaj dramistoj, ekz. Samuel Beckett, Friedrich Dürrenmatt, Bertolt Brecht kaj Thomas Bernhard kaj en filmoj.

En la jaro 1985 li publikigis siajn memorojn: Erinnerungen eines Schauspielers.

Li estas la patro de la geaktoroj Hans-Peter Minetti kaj Jennifer Minetti.

Listo de filmoj[redakti | redakti fonton]

  • Berlin - Alexanderplatz (Germanio, 1931)
  • Der Kaiser von Kalifornien (Germanio, 1936)
  • Es (Germanio, 1966)