Bertha Benz
| Bertha Benz | |
|---|---|
| |
| Persona informo | |
| Naskonomo | Cäcilie Bertha Ringer |
| Naskiĝo | 3-an de majo 1849 en Pforzheim, Grandduklando Badeno,  Germana Federacio
|
| Morto | 5-an de majo 1944 (95-jaraĝa) en Ladenburgo,  Nazia Germanio
|
| Lingvoj | germana |
| Loĝloko | Q118669544 |
| Ŝtataneco | Germana Regno |
| Familio | |
| Edz(in)o | Karl Benz |
| Infanoj | Richard Benz • Eugen Benz |
| Okupo | |
| Okupo | entreprenisto • aŭtosportisto |
| Verkoj | Car tourism |
Bertha BENZ [BERta benc], origine: Cäcilie Bertha RINGER (naskiĝis la 3-an de majo, 1849, mortis la 5-an de majo, 1944) estis germana pionirino de la aŭtomobilindustrio kaj la unua aŭtomobilisto en la mondo.
Naskiĝinte en Pforzheim, ŝi en la jaro 1872 edziniĝis al la inĝeniero Karl Benz. Ŝi esence kontribuis al lia sukceso kiel aŭtomobilkonstruisto, ne nur per morala, sed ankaŭ per financa subteno. Antaŭ la geedziĝo Karl Benz havis gravajn ŝuldojn, sed per la doto, kiun ŝi petis anticipe de sia familio, ŝi savis la entreprenon de sia fianĉo.
Kiam la tri-rada motorĉaro inventita de Karl Benz ne rikoltis ĝeneralan agnoskon, ŝi la 5-an de aŭgusto, 1888 veturis - sen informi sian edzon - kun siaj du filoj 106 kilometrojn de Mannheim al Pforzheim. Per tio ŝi montris al la publiko, ke la primokata "ĉaro sen ĉevaloj" funkcias eĉ por pli longaj distancoj - kaj tio vere kontribuis al la progreso de la aŭtomobilindustrio.
Bertha Benz mortis en la aĝo de 95 jaroj en Ladenburg apud Mannheim.
Vidu ankaŭ[redakti | redakti fonton]
- Itinero memoriga pri Bertha Benz (Mannheim-Pforzheim-Mannheim)
- Motorwagen
Eksteraj ligiloj[redakti | redakti fonton]
- Bertha Benz Memorial Route
- Prof. John H. Lienhard on BERTHA BENZ's RIDE
- Automuseum Dr. Carl Benz
- Angela Elis: Mein Traum ist länger als die Nacht. Wie Bertha Benz ihren Mann zu Weltruhm fuhr. Hoffmann und Campe, Hamburg 2010, ISBN 978-3-455-50146-9.