Besta loto

El Vikipedio, la libera enciklopedio
Saltu al: navigado, serĉo

La Besta Loto (Jogo do Bicho, /ĵogu du biŝu/) estas tradicia lotumado en Brazilo, en kiu la numeroj rilatas al 25 bestoj, laŭ alfabeta ordo (en la portugala). Ĝi funkcias paralele al la oficialaj lotoj de la federacia kaj subŝtataj registaroj kaj estas tre populara.

La 3-an de julio 1892, la entrepreno tiam respondeca pri la Bestoĝardeno de Rio-de-Ĵanejro, aranĝis specialan bankedon por lanĉi kampanjon, kiu permesus altiri vizitantojn. João Batista Viana Drummond, Barono de Drummond, la direktoro, kreis la unuan bestoĝardenon en la urbo en 1888 kaj elpensis tagan lotumadon de unu el 25 besto-nomoj. La vizitanto de la bestoĝardeno povis akiri je la eniro, per 1$000 (unu mil-rejso, la tiama monunuo) bileton presitan kun bildo de unu el la bestoj. Tiuj, kiuj havis la bildon de lotumita besto, ricevis premion je 20$000 (dudek mil-rejsoj). La unua okazinta lotumo disdonis 460$000 (kvarcent sesdek mil rejsojn) je premio.

Nur dudek tagojn poste jam estis plendo al la polico pri tiu hazardludo, malpermesata praktiko se organizata de privatuloj en Brazilo.

Sistemo[redakti | redakti fonton]

Estas du formoj organizi la numerojn, la t.n. "grupo", aŭ ĝenerala numero, kaj la fina "deko" aŭ ĉefa numero, jene:

Grupo Besto "Deko", la du lastaj ciferoj
01 Struto 01 02 03 04
02 Aglo 05 06 07 08
03 Azeno 09 10 11 12
04 Papilio 13 14 15 16
05 Hundo 17 18 19 20
06 Kaprino 21 22 23 24
07 Virŝafo 25 26 27 28
08 Kamelo 29 30 31 32
09 Serpento 33 34 35 36
10 Kuniklo 37 38 39 40
11 Ĉevalo 41 42 43 44
12 Elefanto 45 46 47 48
13 Koko 49 50 51 52
14 Kato 53 54 55 56
15 Aligatoro 57 58 59 60
16 Leono 61 62 63 64
17 Simio 65 66 67 68
18 Porko 69 70 71 72
19 Pavo 73 74 75 76
20 Meleagro 77 78 79 80
21 Virbovo 81 82 83 84
22 Tigro 85 86 87 88
23 Urso 89 90 91 92
24 Cervo 93 94 95 96
25 Bovino 97 98 99 00

Kulturo[redakti | redakti fonton]

Kiam homo sonĝas, aŭ vidas ion, kiu memorigas pri besto per karaktero, aŭ similan aferon, oni lotumas. Eblas riski per ĝenerala aŭ specifa numero. Ju pli specifa la numero, des pli alta la premio. Do, ekzemple, 25 rilatas al la bovino grupe, same kiel 97, 197, 1197. Se oni vetas per 11197 kaj tiu numero estas lotumita, oni do gajnas grandan premion, sed se oni riskas nur per 97, oni ricevos malgrandan premion. La plej malgranda premio estus 25 (11197 kvarone sen decimaloj), kaj oni gajnus trioble la vetitan sumon.

Krome, tiuj bestoj rilatas al ia homa karaktero: Cervo rilatas al samseksamuloj, Bovino al prostituitinoj, Papilio al infanoj ktp. Tio permesas interpreti sonĝojn, okazaĵojn ktp. Ankaŭ oni povas diri ke numero estas ligita al karakteroj. Do 24 estas malŝatata numero, sed sen troigo, iu ridas kiam sidiĝas en seĝo n-ro 24, ekzemple, ĉar tio rilatas al samseksumo.

Eksteraj ligiloj[redakti | redakti fonton]