Billy Waldon
| Billy Waldon | |
|---|---|
| |
| Persona informo | |
| Aliaj nomoj | Nvwtohiyada Idehesdi Sequoyah |
| Naskiĝo | 3-an de januaro 1952 (72-jaraĝa) en Tahlequah |
| Lingvoj | Ĉeroka • angla • Esperanto • hispana |
| Ŝtataneco | Usono |
| Okupo | |
| Okupo | esperantisto • lingvokreinto |
Billy Ray Waldon (naskiĝis la 3-an de januaro 1952 en Tahlequah, Oklahomo), nomata ankaŭ Billy Joe Waldon, kaj pli konata laŭ lia indiĝena nomo Nvwtohiyada Idehesdi Sequoyah (ĉeroke ᏅᏙᎯᏯᏓ ᎢᏕᎮᏍᏗ ᏎᏉᏯ) aŭ ĝia esperantigo Noiĉjo Sekvojo, estas usona indiĝena aktivisto, esperantisto kaj planlingvisto. En 1991 li estis kondamnita al mortpuno por serio de perfortaj krimoj, okazintaj en Usonaj subŝtatoj Oklahomo kaj Kalifornio. Lia kondamno estas nuligita je la 23-a de januaro 2023, kaj supozeble estos nova procezo.
Biografio[redakti | redakti fonton]
Li estas kvarona ĉeroko. En 1981, li vojaĝis al Eŭropo, kie li prezentiĝis kiel indiano kaj prelegis ĉe diversaj Esperanto-asocioj.
La 23-an de aprilo 1986, la usona polica institucio FBI metis lin sur la liston de la plej serĉataj krimuloj, pro kelkaj murdoj kaj raboj faritaj de iu(j) fine de 1985. La 16-an de junio 1986 Waldon estis arestita.
En 1991, li publikigis la planlingvan projekton Poliespo. En broŝuro pri la projekto, li rakontas iomete ankaŭ pri sia sorto kaj asertas, ke li estas senkulpa. Laŭ li, la FBI ŝatas nek Esperanton nek indianojn, kaj mem metis kelkajn pruvilojn en lian aŭton por povi aresti lin.
En 1992, li estis kondamnita al morto. Li nun vivas en malliberejo en San Quentin, Kalifornio.
Je la 23-a de januaro 2023 la mortkondamno de Sekvojo kaj la tuta procezo kontraŭ li estis nuligitaj pro proceduraj malĝustaĵoj, kaj la usona subŝtato Kalifornio konsentis doni al li novan juĝon.[1][2]
Verkoj[redakti | redakti fonton]
- Sequoyah, Nywtohiyada Idehesdi: La fundamento de Poliespo (lingvoprojekto surbaze de Esperanto kaj la ĉeroka lingvo) de Billy Waldon. - Usono: Waldon, 1991. - 50 p.
Referencoj[redakti | redakti fonton]
Eksteraj ligiloj[redakti | redakti fonton]
- Sequoyah kondamnita al morto (france) Arkivigite je 2006-12-10 per la retarkivo Wayback Machine
- La "seria murdisto" Billy Waldon (angle)
- Komitato Armand pri Billy Waldon (el Heroldo Komunikas)
- Local Death Penalty Case From 1985 Finally Goes To Appeal (angla, 2006-08-08)
- HUMAN RIGHTS ADVOCATES Vol. 42 Winter 2003-04 Arkivigite je 2007-09-28 per la retarkivo Wayback Machine - informoj pri duboj pri lia kulpo kaj organizo "fos*ters", svisa grupo kiu helpas defendi lin.
