Bolnisi

El Vikipedio, la libera enciklopedio
Saltu al: navigado, serĉo
Bolnisi COA.svg

Bolnisi estas urbo en Kartvelio. La urbo perdis signifan parton de nekartvela loĝantaro post disfalo de Sovetunio, kaj nun en ĝi loĝas ĉ. 10 mil personoj.

En la loko de la nuna Bolnisi estis fondita germana urbo Katarinenfeld en 1818. En ĝi ekloĝis grupo de germanoj el Ŝvabio. Post la socialisma revolucio la urbon oni renomis Luksemburg, omaĝe al la germana revoluciulino Roza Luksemburg. Tamen en 1944 la urbo ricevis sian nunan nomon, Bolnisi, pro dummilitaj persekutoj kaj perfortaj translokigoj de etnaj germanoj.

En Bolnisi konserviĝis probable la plej malnova kristana preĝejo de Kartvelio – Bolnisis Sioni. Oni supozas, ke la preĝejo estis konstruita en la 4-a jarcento.