Brocken

El Vikipedio, la libera enciklopedio
Saltu al: navigado, serĉo

La Brocken [prononco Brokn] estas la plej alta monto en la nordo de Germanio. Ĝi altas 1141 metrojn kaj estas la centro de la mezalta montaro Harco. Ĝia pinto situas en la pleja okcidento de la federacia lando Saksio-Anhalto - inter la jaroj 1945 kaj 1990 ĝi tre proksimis al la arde gardita limo inter ambaŭ partoj de Germanio. La monto kaj sia ĉirkaŭaĵo estas parto de la Nacia Parko Harco.

Laŭ la mezeŭropaj legendoj pri sorĉistinoj, la monto havas la literaturan nomon Blocksberg - en Esperanto Blokmonto - kaj estas la loko, en kiuj ĉiuj mezeŭropaj sorĉistinoj kolektiĝas en la Valpurga Nokto kaj sur siaj flugaj balailoj ĉirkaŭas grandegan fajron. La scenon sur la monto priskribas inter alie la dramo Faŭsto de Johann Wolfgang von Goethe, kaj ankaŭ la infana libro La malgranda sorĉistino de Otfried Preussler, kiu estas klasikaĵo ne nur en la germanlingva, sed ankaŭ en esperanta traduko en la esperantlingva infana literaturo.