Bronisław Komorowski

El Vikipedio, la libera enciklopedio
Saltu al: navigado, serĉo
Bronisław Maria Komorowski
Bronisław Komorowski

Oficanta
Funkcio akceptita:
6-a de aŭgusto 2010
Antaŭulo Lech Kaczyński

marŝalo de la pola Sejmo
En funkcio:
5-a de novembro 2007 – 8-a de julio 2010
Antaŭulo Ludwik Dorn
Sekvanto Grzegorz Schetyna

ministro pri defendo de Pollando
En funkcio:
16-a de junio 2000 – 19-a de oktobro 2001
Antaŭulo Janusz Onyszkiewicz
Sekvanto Jerzy Szmajdziński

Naskiĝo la 4-an de junio 1952(nun 1952-06-04) (do nun 62-jara)
en Oborniki Śląskie, Pollando
Nacieco polo
Politika partio Civitana Platformo (2001 ĝis nun)
Profesio politikisto
Religio romkatolika kristano
Subskribo Bronisław Komorowski, subskribo
v  d  r
Information icon.svg

Bronisław Maria KOMOROWSKI (naskiĝis la la 4-an de junio 1952(nun 1952-06-04) en Oborniki Śląskie, Pollando, do nun 62-jara) – pola historiisto, politikisto, aktiva membro de centr-dekstra partio Civitana Platformo. Ekde 2010 li estas prezidento de Pollando.

Tuj post kraŝo de aviadilo la 10-an de aprilo 2010, en kiu pereis inter alie la ĝistiama prezidento Lech Kaczyński, laŭ la Konstitucio de Pola Respubliko la prezidantan oficon komisie transprenis Bronisław Komorowski en sia funkcio esti marŝalo (estro) de la pola Sejmo[1]. La portempan oficon li plenumis ĝis la 8-a de julio, kiam li forlasis la deputitan kaj la marŝalan oficojn. La 4-an de julio li estis en baloto elektita nova prezidento de Pollando, kaj sian oficon plenumas ekde la ĵuro la 6-an de aŭgusto 2010.

Esperanto[redakti | redakti fonton]

Kiel Marŝalo de Sejmo li estis la Alta Protektanto de la 94-a Universala Kongreso de Esperanto, kiu okazis en Bjalistoko en 2009. Post lia ĵuro kiel prezidento de Pollando, li ricevis oficialajn gratulojn de UEA[2]:

Citaĵo
 (...) Ekde la apero de la unua lernolibro de Esperanto en Varsovio ĝis la regule daŭrantaj Esperanto-elsendoj de la Pola Radio Via lando akiris kaj konservas specialan lokon en la koroj de esperantistoj (...) Kun granda ĝojo ni vidas, ke ĝuste Vi, la Alta Protektanto de nia pasintjara kongreso, nun okupas la plej altan oficon de Pollando. 
— Osmo Buller en gratula letero al Bronisław Komorowski lige al lia ekofico kiel ŝtatestro

Okaze de la 125 jaroj de la lingvo Esperanto li dekrete atribuis altajn ŝtatajn ordenojn pro la E-agado kaj popularigado de pola kulturo en la mondo al jenaj elstaraj esperantistoj: Etsuo Miyoshi, Jozefo Golec, Eugen Macko, Jerzy Antoni Walaszek, Stanisław Rynduch, Ireneusz Wilczyński, Edward Jaśkiewicz, Edward Kozyra, ...

Notoj[redakti | redakti fonton]

  1. Laŭ la artikolo 131-a, paragrafo 2-a, punkto 1-a de la Konstitucio de Pola Respubliko
  2. Gazetaraj Komunikoj de UEA, n-ro 394: UEA gratulis la novan polan ŝtatestron esperante


Bronisław Komorowski (plej maldekstre) kun Lech Kaczyński kaj Nicolas Sarkozy (2008)
Komorowski gvidas kunsidon de Sejmo kiel sejmmarŝalo